IIM respýblika aýmaǵynda TMD elderimen birlesip «Izdestirý» operatsiiasyn ótkizdi», – dep habarlaidy "Ult aqparat" Polisia.kz saityna silteme jasap.
Operatsiia barysynda respýblikanyń kriminaldyq politsiia qyzmetkerleri aýyr jáne asa aýyr qylmystardy jasaǵany úshin izdeýdegi qylmyskerlerdi ustaý boiynsha birqatar arnaiy operatsiialardy ótkizdi.
Máselen, Qostanai oblysynyń Lisakovsk qalasynda bastamashynyń izdestirý tapsyrmasy boiynsha Taldyqorǵan qalasynda burynǵy jubaiyn óltirýge oqtalǵany úshin osy jylǵy qańtardan bastap Almaty oblysynyń PD izdestirýindegi Taldyqorǵan qalasynyń 30 jastaǵy turǵyny ustaldy.
Aqtóbe oblysynyń Alǵa qalasynda 2021 jylǵy qyrkúiekte meiramhanada pyshaq jaraqattaryn keltirip, oblys ortalyǵynyń eki turǵynyn óltirýge oqtalǵany úshin izdeýde júrgen Aqtóbe oblysynyń 52 jastaǵy turǵyny qolǵa tústi.
Almaty oblysy Jambyl aýdanynyń Qarǵaly aýylynda Qyzylorda oblysynyń PD jedel toby 2021 jylǵy maýsymda Qyzylorda qalasynda týyndaǵan janjaldyń barysynda pyshaq jaraqattaryn salyp, 25 jastaǵy jigitti óltirýge oqtalǵany úshin izdeýdegi 43 jastaǵy qyzylordalyqty ustady.
Almaty qalasynda Jambyl oblysynyń PD jedel toby 37 jastaǵy er adamdy ustaǵan, ol 2021 jylǵy mamyrda Jambyl oblysy Merke aýylynda 13 jastaǵy turǵyndy zorlaǵan.
Shymkentte Tashkent qalasynda jubaiyn óltirgeni úshin 2003 jylǵy sáýirden bastap izdeýde júrgen 59 jastaǵy Ózbekstan azamatshasy da qolǵa tústi.
Nur-Sultan qalasynda jábirlenýshilerge tiesili Audi-80 kóligin iemdenip alý maqsatynda eki adamdy óltirgeni úshin 1997 jylǵy qyrkúiekten bastap Rostov oblysynyń IIB izdestirýindegi RF 52 jastaǵy azamaty ustaldy.
Aqtaý qalasynda «Mýhamed» azyq-túlik dúkenine qaraqshylyq shabýyl jasaǵany úshin 2008 jylǵy qyrkúiekten bastap Túrikmenstan Respýblikasy Ashhabad qalasynyń IIBB izdestirýindegi 55 jastaǵy qala turǵyny ustaldy.
Sonymen birge, operatsiia barysynda TMD elderiniń aýmaǵynda ishki ister organdarynyń qyzmetkerleri memleketimizdiń quqyq qorǵaý organdarynyń izdestirýindegi adamdardy qolǵa túsirgen.
Máselen, RF Habarovsk aimaǵynda qylmystyq izdestirý qyzmetkerleri máiiti atys bytyrańqy jaraqattarymen Temirtaý qalasynyń shetinde tabylǵan qala turǵynyń urlaý jáne ony óltirý sybailasy retinde 2015 jylǵy tamyzdan bastap izdestirýdegi Temirtaý qalasynyń 36 jastaǵy turǵynyn ustaǵan.
Ózbekstan Respýblikasy Tashkent qalasynda Saryǵash qalasynyń kásipkerinen 25 mln teńgeni bopsalaǵany úshin aǵymdaǵy jylǵy aýryzdan bastap izdeýdegi Túrkistan oblysynyń 30 jastaǵy turǵyny ustaldy.
Tájikstan Respýblikasynyń Soǵdy oblysynda 2019 jylǵy qazanda Shymkent qalasynda «Súndet» dámhanasynda atys qarýyn qoldana otyryp, kisi óltirgeni úshin Shymkent qalasynyń PD izdestirýindegi Qazaqstan Respýblikasynyń 27 jáne 30 jastaǵy azamattary ustaldy.
Samar oblysynyń Toiatti qalasynda Pavlodar oblysynyń PD izdestirý toby 2020 jylǵy maýsymda Qazaqstan Respýblikasynyń aýmaǵynda «Qazposhta» AQ-nyń aqparattyq júiesine zańsyz qol jetkizý arqyly adamdar tobynda qaitalama tranzaktsiialardy qura otyryp, 294 mln teńge jymqyrǵan 39 jastaǵy er adamdy ustaǵan.
Qabyldanǵan sharalardyń arqasynda operatsiianyń 10 kúniniń qorytyndysy boiynsha izdestirýdegi 353 qylmysker anyqtalyp, ustalǵan, onyń ishinde kisi óltirgen úshin – 11, densaýlyqqa aýyr ziian keltirgeni úshin – 17, qaraqshylyq shabýyldar jasaǵany úshin – 5, tonaýlar – 8 jáne qorqytyp alý jasaǵany úshin – 1 adam anyqtalyp, ustaldy. Onyń ishinde:
– respýblikadan tys – 39 (Reseide – 23, Ózbekstanda – 8, Qyrǵyzstanda – 4, Tájikstanda, Polshada, Monǵoliiada jáne Latviiada 1-den);
– Dostastyq elderi úshin – 152 (Resei – 101, Ózbeksstan – 24, Qyrǵyzstan – 19, Túrikmenstan – 4, Belorýs – 3 jáne Tájikstan úshin – 1), Grýziia men Ońtústik Koreia úshin 1-den.
Sonymen qatar, 122 habar-osharsyz joǵalǵannyń turǵan jeri anyqtaldy, onyń ishinde 4-eýi TMD elderiniń izdestirýindegi (RF – 3 jáne Ózbekstan – 1), 3 tanylmaǵan máiittiń jeke basy sáikestendirildi.
