Ishki ister ministriniń birinshi orynbasary Marat Qojaev Armeniia men Qyrǵyzstannan ákelingen róli oń jaqtaǵy jáne eskirip qalǵan kólikterden qalai qutylýǵa bolatynyn aityp berdi, dep habarlaidy "Ult aqparat".
«Qazirgi tańda zańmen bekitilgen tehnikalyq reglamentterdi ainalyp ótetin amal joq. Bul - róli oń jaqtaǵy kólikterge qatysty másele. Bul ereje kerek deseńiz, 2008 jyly qabyldanyp qoiǵan. Ony Qazaqstan azamattarynyń bári biledi. Al endi ne isteý kerek degenge kelsek, joq degende shyǵynnyń bir bóligin óndirip alýdyń ártúrli joly bar. Ondai kólikterge tehnikalyq reglament ruqsat beretin elderge ótkizýge bolady. Avtokólikti qosalqy bólshek túrinde satýǵa da jol ashyq. Kólik ákelingen elge qaita aparyp, onyń sapasy men kedendik tólemderi týraly jalǵan aqparat bergen adamǵa qarsy sot shaǵymyn túsirýge bolady. Bul jerde jaǵdai ártúrli. Ár jaǵdaidy jeke taldap, adamdarǵa soǵan sáikes áreket algoritmin usynyp jatyrmyz», – dedi Marat Qojaev OKQ-da ótken baspasóz máslihatynda.
Aita ketsek, buǵan deiin QR Ishki ister ministriniń birinshi orynbasary Marat Qojaev quqyq qorǵaýshylar nelikten Armeniia men Qyrǵyz Respýblikasynan ákelingen kólikterdi tirkeýge shaqyrǵanyn aityp bergen edi.
