Jýrnaliske kúsh qoldanyp, kompiýterin laqtyryp jibergen Armeniia joǵary tehnologiia ónerkásibi ministri Akol Arshakian otstavkaǵa ketti. Oqiǵa 19 naýryzda bolǵan, al ministr 31 naýryzda qyzmetinen ketti. Bul týraly Azattyqtyń Armian qyzmeti jazdy.
"Armeniia azamaty retinde laýazymdy tulǵanyń ózge azamatqa kúsh qoldanýy durys emes dep sanaimyn. Biz ozbyrlyqsyz qoǵam qurýǵa umtylýymyz kerek" dep jazdy 35 jastaǵy sheneýnik Feisbýk paraqshasynda. 1 sáýirde onyń ornyna Tavýsh oblysynyń gýbernatory taǵaiyndalǵan.
Oqiǵa Erevandaǵy dámhanalardyń birinde bolǵan. Jýrnalist kamerasyn qosyp, túski as iship otyrǵan ministrge baryp, jumys ýaqytynda ne úshin jumys istemei otyrǵanyn suraǵan.
Ministr oǵan árdaiym jumys isteitinin aitqan kezde jýrnalist sheneýnikterdiń belgili bir ýaqyt aralyǵynda jumys ýaqyty baryn alǵa tartqan. Budan soń Arshakian jýrnalistiń sońynan ilesip, ekinshi qabatqa kóterilip, ony uryp, kompiýterin divanǵa laqtyryp jibergen.
