جۋرناليسكە كٷش قولدانىپ, كومپيۋتەرٸن لاقتىرىپ جٸبەرگەن ارمەنييا جوعارى تەحنولوگييا ٶنەركەسٸبٸ مينيسترٸ اكول ارشاكيان وتستاۆكاعا كەتتٸ. وقيعا 19 ناۋرىزدا بولعان, ال مينيستر 31 ناۋرىزدا قىزمەتٸنەن كەتتٸ. بۇل تۋرالى ازاتتىقتىڭ ارميان قىزمەتٸ جازدى.
"ارمەنييا ازاماتى رەتٸندە لاۋازىمدى تۇلعانىڭ ٶزگە ازاماتقا كٷش قولدانۋى دۇرىس ەمەس دەپ سانايمىن. بٸز وزبىرلىقسىز قوعام قۇرۋعا ۇمتىلۋىمىز كەرەك" دەپ جازدى 35 جاستاعى شەنەۋنٸك فەيسبۋك پاراقشاسىندا. 1 سەۋٸردە ونىڭ ورنىنا تاۆۋش وبلىسىنىڭ گۋبەرناتورى تاعايىندالعان.
وقيعا ەرەۆانداعى دەمحانالاردىڭ بٸرٸندە بولعان. جۋرناليست كامەراسىن قوسىپ, تٷسكٸ اس ٸشٸپ وتىرعان مينيسترگە بارىپ, جۇمىس ۋاقىتىندا نە ٷشٸن جۇمىس ٸستەمەي وتىرعانىن سۇراعان.
مينيستر وعان ەردايىم جۇمىس ٸستەيتٸنٸن ايتقان كەزدە جۋرناليست شەنەۋنٸكتەردٸڭ بەلگٸلٸ بٸر ۋاقىت ارالىعىندا جۇمىس ۋاقىتى بارىن العا تارتقان. بۇدان سوڭ ارشاكيان جۋرناليستٸڭ سوڭىنان ٸلەسٸپ, ەكٸنشٸ قاباتقا كٶتەرٸلٸپ, ونى ۇرىپ, كومپيۋتەرٸن ديۆانعا لاقتىرىپ جٸبەرگەن.
