«Spýtnik V» vaktsinasyn alǵan Armeniia azamattarynda oqys saldary tirkelgen joq. Bul týraly Armeniia Densaýlyq saqtaý ministrligi janyndaǵy aýrýlardy baqylaý jáne aldyn alý jónindegi ulttyq ortalyqtyń infektsiialyq emes aýrýlar jáne nozokomialdy infektsiialar epidemiologiiasy bóliminiń bastyǵy Romella Abovian aitty, dep habarlaidy "Ult aqparat".
Armeniia buǵan deiin Reseiden Spýtnik V vaktsinasynyń synaq partiiasyn (2 myń doza) aldy. Vaktsinany azamattardyń shaǵyn toby – meditsina qyzmetkerleri men qater tobyndaǵy 600 adam alǵan bolatyn.
Armeniianyń Densaýlyq saqtaý ministrligi Spýtnik V vaktsinasyn qoldanýdyń kútpegen saldary tirkelmegenin aitty.
Armeniia azamattary COVID-19-ǵa qarsy vaktsinany óz erikterimen alady. Buǵan deiin Armeniiaǵa «Spýtnik V» vaktsinasynyń synaq partiiasy, al 28 naýryzda Covax Facility bastamasy aiasynda satyp alynǵan Astra Zeneca vaktsinasynyń alǵashqy partiiasy (24 myń doza) jetkizildi. El azamattaryn vaktsinalaý kezinde basymdyq qater toptaryna beriledi: meditsina qyzmetkerlerine, 65 jastan asqan adamdarǵa, sozylmaly aýrýlary bar 16 jastan 64 jasqa deiingi patsientterge, qart adamdarǵa kútim jasaý ortalyqtarynyń turǵyndaryna jáne qyzmetkerlerine.
