Joǵary Eýraziialyq ekonomikalyq keńestiń 6 qarashadaǵy sheshimimen Arman Shaqqaliev Qazaqstan Respýblikasynan Eýraziialyq ekonomikalyq komissiia (EEK) Alqasynyń jańa múshesi (ministri) bolyp taǵaiyndaldy, dep habarlaidy "Ult aqparat" EEK baspasóz qyzmetine silteme jasap.
Onyń quzyretine Eýraziialyq ekonomikalyq odaqtyń transshekaralyq naryqtaryndaǵy monopoliiaǵa qarsy retteý jáne básekelestik máseleleri kiredi.
Arman Shaqqaliev buǵan deiin osy qyzmetti atqaryp kelgen, Qazaqstan Respýblikasy Básekelestikti qorǵaý jáne damytý agenttiginiń tóraǵalyǵyna taǵaiyndalǵan Serik Jumanǵarinniń ornyna keldi.
EEK-tiń jańa ministriniń Qazaqstannyń memlekettik bilik organdarynda basshylyq jumysta mol tájiribesi bar.
Ár jyldary Arman Shaqqaliev Qazaqstan Respýblikasynyń qarjy, ekonomika jáne biýdjettik josparlaý ministrlikterinde basshylyq qyzmetter atqardy. 2008 jyldan 2016 jylǵa deiin Qazaqstan standarttaý jáne sertifikattaý institýtynyń direktory boldy. 2016 jyldan 2018 jylǵa deiin EEK tehnikalyq retteý jáne akkreditteý departamentin basqardy.
Básekelestik jáne monopoliiaǵa qarsy retteý jónindegi ministr laýazymyna taǵaiyndalar aldynda EEK Qazaqstan Respýblikasynyń Investitsiialar jáne saýda ministrliginde, Saýda jáne integratsiia ministrliginde tehnikalyq retteý jáne metrologiia komitetiniń tóraǵasy laýazymyn atqardy.
