Búgin Ortalyq kommýnikatsiialar qyzmetindegi baspasóz máslihaty barysynda Qostanai oblysynyń ákimi Arhimed Muhambetov óńirde koronavirýs infektsiiasynyń jańa jaǵdailaryn jasyrý faktisine qatysty túsinikteme berdi, dep habarlaidy "Ult aqparat".
Taiaýda Memleket basshysy Qasym-Jomart Toqaev Shyǵys Qazaqstan, Qostanai, Soltústik Qazaqstan, Pavlodar, Aqmola syndy birqatar oblysta koronavirýs infektsiiasynyń jańa jaǵdailaryn jasyrý faktisi oryn alǵanyn aitqan bolatyn. Osy máselege qatysty túsinikteme bergen óńir basshysy árbir jekelegen jaǵdai zerdelenetindigin aitady.
«Ázirshe, esepke alynbai qalǵan 50-den astam jaǵdai bar. Bul kórsetkish ózgerip, ósýi nemese tómendeýi múmkin. Sol sebepti jumys júrgizilip jatyr. Birinshi sebebi - zertteý júrgizetin zerthanalar nátijelerdi Sanitariialyq-epidemiologiialyq baqylaý departamentine kesh beredi. Sondyqtan ol sol kúnniń esebine alynbai kelesi kúnge jazylady. Ekinshi sebebi - KVI-diń oń nátijesi shyqqan adamdarda negizinen teris nátije kórsetken. Osyǵan bailanysty daýly jaǵdai týyndady», - dedi oblys basshysy.
Onyń aitýynsha, atalǵan adamdar, olarmen bailanysta bolǵan adamdar baqylaýǵa alynyp, oqshaýlanǵan.
«Bul oraida barlyq másele baqylaýda tur. Biz qyzyl aimaqtamyz. Degenmen, sońǵy kúnderi tómendeý baiqalyp otyr», - dedi Arhimed Muhambetov.
