بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا قوستاناي وبلىسىنىڭ ەكٸمٸ ارحيمەد مۇحامبەتوۆ ٶڭٸردە كوروناۆيرۋس ينفەكتسيياسىنىڭ جاڭا جاعدايلارىن جاسىرۋ فاكتٸسٸنە قاتىستى تٷسٸنٸكتەمە بەردٸ, دەپ حابارلايدى "ۇلت اقپارات".
تاياۋدا مەملەكەت باسشىسى قاسىم-جومارت توقاەۆ شىعىس قازاقستان, قوستاناي, سولتٷستٸك قازاقستان, پاۆلودار, اقمولا سىندى بٸرقاتار وبلىستا كوروناۆيرۋس ينفەكتسيياسىنىڭ جاڭا جاعدايلارىن جاسىرۋ فاكتٸسٸ ورىن العانىن ايتقان بولاتىن. وسى مەسەلەگە قاتىستى تٷسٸنٸكتەمە بەرگەن ٶڭٸر باسشىسى ەربٸر جەكەلەگەن جاعداي زەردەلەنەتٸندٸگٸن ايتادى.
«ەزٸرشە, ەسەپكە الىنباي قالعان 50-دەن استام جاعداي بار. بۇل كٶرسەتكٸش ٶزگەرٸپ, ٶسۋٸ نەمەسە تٶمەندەۋٸ مٷمكٸن. سول سەبەپتٸ جۇمىس جٷرگٸزٸلٸپ جاتىر. بٸرٸنشٸ سەبەبٸ - زەرتتەۋ جٷرگٸزەتٸن زەرتحانالار نەتيجەلەردٸ سانيتارييالىق-ەپيدەميولوگييالىق باقىلاۋ دەپارتامەنتٸنە كەش بەرەدٸ. سوندىقتان ول سول كٷننٸڭ ەسەبٸنە الىنباي كەلەسٸ كٷنگە جازىلادى. ەكٸنشٸ سەبەبٸ - كۆي-دٸڭ وڭ نەتيجەسٸ شىققان ادامداردا نەگٸزٸنەن تەرٸس نەتيجە كٶرسەتكەن. وسىعان بايلانىستى داۋلى جاعداي تۋىندادى», - دەدٸ وبلىس باسشىسى.
ونىڭ ايتۋىنشا, اتالعان ادامدار, ولارمەن بايلانىستا بولعان ادامدار باقىلاۋعا الىنىپ, وقشاۋلانعان.
«بۇل ورايدا بارلىق مەسەلە باقىلاۋدا تۇر. بٸز قىزىل ايماقتامىز. دەگەنمەن, سوڭعى كٷندەرٸ تٶمەندەۋ بايقالىپ وتىر», - دەدٸ ارحيمەد مۇحامبەتوۆ.
