«Rýhani jańǵyrý» baǵdarlamasynyń aiasynda áigili Qalmaqqyrylǵan aýmaǵynda keshendi arheologiialyq-etnografiialyq zertteý jumystary júrip jatyr, dep habarlaidy QazAqparat.
XVIII ǵasyrdaǵy qandy shaiqasqa kýá bolǵan aýmaqtaǵy zertteý jumystary 1 tamyzda bastalypty.
Pavlodar oblysynyń Mai aýdanynda ornalasqan aýmaqta «Qazaqstan arheologiialyq qoǵamy» qoǵamdyq uiymynyń basshysy Viktor Merts bastaǵan zertteýshiler jumys istep jatyr.
Qalmaqqyrylǵan taýlary bir jaǵynan búkil Saryarqanyń taǵdyryn sheshken atyshýly shaiqastyń orny bolsa, ekinshi jaǵynan ulttyq murany boiyna jasyrǵan tabiǵi eskertkish deýge bolady. Nysan aýmaǵynda qola jáne erte temir dáýiriniń eskertkishteri bar. Viktor Merts ol eskertkishti 2008 jyly da zerttegen. Eskertkish qola jáne erte temir dáýirindegi Soltústik-Shyǵys Saryarqa kóshpelileriniń jerleý rásimderinen habar beredi.
8 tamyz kúni bul mańǵa Álkei Marǵulan atyndaǵy arheologiialyq ortalyq pen S.Toraiǵyrov atyndaǵy PMÝ ǵalymdarynyń qatysýymen Pavlodar oblysynyń ákimi Bolat Baqaýov bastaǵan ekspeditsiia uiymdastyrylǵan. Ekspeditsiia kezinde Qalmaqqyrylǵan taýlarynan jerleý rásimin eske salatyn kóptegen belgiler tabylyp, jartastaǵy jazýlar anyqtaldy. Ǵalymdar Áýlieúńgirdi zerttep, «Qyzqulaǵan», «Gaýhar biigi», «Bas malai», «Orta Malai», «Kishi Malai», «Qarnaq» jáne basqa da kóptegen ańyz-dastandardy qaǵazǵa túsirgen. Qalmaqqyrylǵan taýlary men Túndik ózeniniń aralyǵyndaǵy topnoimikalyq ataýlar da ǵalymdardyń zertteý nysanyna ainalmaq.
