«CentauRus Rustem Abdrashev production» "ARQAU-OZOK" etnografiialyq derekti dramasynyń jumystaryn aiaqtady. Film QR Mádeniet jáne sport ministrliginiń tapsyrysy boiynsha Ulttyq kinony qoldaý memlekettik ortalyǵynyń demeýimen túsirilgen, dep habarlaidy "Ult aqparat".
Kinotýyndyda qazaqtyń kúndelikti turmysynda qoldanylǵan, búginde umytyla bastaǵan salt-dástúr men turmystyq ister dáripteledi.
Negizgi keiipkerdiń otbasy qytaidan kóship kelgen. Kórshisi ákesin «qytai» deidi. Ol da keide balasyna keiise, «ói, qytai» dep qalady. Osylai kartinanyń bir bultarysy áke men bala arasyndaǵy taqyrypty ǵana emes, eki eldiń kommýnistin qaqtyǵystyrady. Qytailyq kommýnist Mao Tszedýndy er dese, Keńestik kommýnist Stalindi maqtaidy.
Film rejisseri - Ári Bi-Bek Ór-Altai. Ol - Qazaqstan Jazýshylar odaǵynyń múshesi, "Áriiam", "Marqajúrek" jyr jinaqtarynyń avtory, "Naz" qysqametrli kórkem filminiń stsenarisi. Birneshe jyl "Qazaqfilm" kinostýdiiasynda qyzmet atqarǵan.
«Arqaý» degen baý-basqur toqyǵandaǵy jalpaq toqymanyń ortasynan júrgizip otyratyn jip. «Ózek» degen jumyr nárselerdiń, mysaly, qamshy órgende ortasyna salatyn ózek. Jalpy, «Arqaý-ózek» degenimiz barlyq nárseniń jany, altyn dińgegi. Film sananyń ortarsyzdanýy týraly. Qazaqtardyń sanasyndaǵy otarsyzdaný protsesin kórsetedi. Ulttyq kinony qoldaý memlekettik ortalyǵynyń jas rejisserlerge osyndai múmkindik berip jatqanyna alǵys bildiremin», - deidi rejisser.
Aldaǵy ýaqytta derekti drama halyqaralyq festivalderde baq synap, keiin qalyń kórermenge de jol tartpaq.
