QR Prezidentiniń kómekshisi — QR Prezidenti Ákimshiligi ótinishterdi qaraýdy baqylaý bóliminiń meńgerýshisi Aida Balaeva Facebook paraqshasynda azamattardy jeke máseleleri boiynsha qabyldaý qashan júrgiziletinin jazdy, dep habarlaidy "Ult aqparat".
«Bizdiń bólim árbir ótinishti baqylaý men sapaly pysyqtaýdy júzege asyrady. Jeke qabyldaý problemalardy kelýshiniń óz aýyzynan estýge, onyń tórkinine tereń boilap, túsinýge múmkindik beredi. Degenmen qabyldaý aiaqtalǵannan keiin barlyq jaǵdai tyńǵylyqty saraptalady, ár máseleni sheshýdiń ádisi ázirlenedi. Oryn alǵan jaǵdai talap etetin bolsa, beiindi organdar ókilderinen jumys toby qurylady. Bir qabyldaý kúninde biz kóbinde júzden astam adamdy qabyldaimyz.
Alaida, másele - qabyldanǵan adamdardyń sanynda emes, bizdiń olarǵa kórsetetin kómegimizdiń deńgeiinde. Barlyq júginýshilerdiń problemalaryn qaraý úshin bólimge ýaqyt qajet ekenin túsingen jón. Qabyldaý – bul aisbergtiń ushy ǵana, jumystyń negizgi aýqymdy bóligi kórinbeidi», - dedi ol.
Onyń atap ótýinshe, kelesi jyldyń qańtaryndaǵy kelesi qabyldaýǵa deiin ótinishterdi qaraýdy baqylaý bólimi jinaqtalyp qalǵan ótinishterdi saraptaýmen jáne olardy sheshýdiń joldaryn izdeýmen ainalysady.
«Buǵan qosa, bizde qazirgi sot isterine aralasaýǵa quqyqtyq quziret joq ekenin taǵy bir eske salǵym keledi. Ákimdikter men ministrlikterge túsip jatatyn máselelerdi sheshý úshin zańdy tetikterdi qosýǵa múmkindik beretin zańdy negiz bolsa, onda biz mindetti túrde sońyna deiin anyqtaimyz», - dedi Aida Balaeva.
