Foto: Gov.kz
Qyzylorda oblysynyń Aral aýdanynda prokýratýra organdary arqyly memleketke qaitarylǵan aktivter esebinen 25 oryndyq jańa juqpaly aýrýlar bólimshesi paidalanýǵa berildi, dep habarlaidy Ult.kz.
Jańa meditsinalyq nysan aýdan turǵyndaryna ýaqytyly jáne sapaly meditsinalyq kómek kórsetý maqsatynda salyndy.
Buǵan deiin turǵyndar mundai meditsinalyq kómekti shekteýli jaǵdaida alýǵa májbúr bolǵan.
Atalǵan bólimsheniń iske qosylýy meditsinalyq kómektiń qoljetimdiligin arttyryp, aýdan halqynyń densaýlyǵyn qorǵaýǵa múmkindik beredi.
Meditsinalyq nysannyń ashylý rásimine Qyzylorda oblysynyń ákimi Nurlybek Nálibaev, oblys prokýrory Rizabek Ojarov, Qazaqstan Respýblikasy Parlamenti Májilisiniń depýtattary, sala mamandary men qoǵam ókilderi qatysty.
Nysannyń salynýy men memleketke qaitarylǵan aktivterdiń maqsatty ári tiimdi jumsalýy prokýratýra organdarynyń baqylaýynda.
