Búgin Halyqaralyq medbikeler kúni. Taldyqorǵandaǵy oblystyq kópsalaly onkologiialyq klinikada medbike bolyp isteitin Qundyz Bekturova ár naýqasqa birinshi kezekte meiirim qajettiligin aitady, dep jazady QazAqparat.
Kóp jyl medbike bolyp istep kele jatqan Qundyz Bekturova ózi qatysqan alǵashqy operatsiiany eske aldy. Onyń aitýynsha, naýqastyń sol kezde asqazanyn tolyqtai alyp tastaǵan.
«Ol otanyń jasalǵanyna da 22 jyl ótti. Alǵash ret jumysqa ornalasqan kezim edi. Jazylmaityn dertke shaldyqqan naýqastyń tolyqtai asqazanyn kóz aldymda alyp tastady. Árine otada qatty qoryqtym.Kúrdeli ota bolǵandyqtan naýqas ómir súrmeitin shyǵar degen oi keldi. Biraq, men qatelesippin. Otadan keiin ol adam 15 jyl ómir súrdi. Sondyqtan qaterli isikke shaldyqqan jandar birden kúizeliske túspese eken dep tileimin. Sebebi, der kezinde dárigerge qaralsa, dertpen kúresýge bolady», - deidi Qundyz Bekturova.
Qundyz ol kezde nebári 23 jasta ǵana bolypty. Tabandylyq, jumysyna degen súiispenshiliktiń arqasynda ol onkologiialyq klinikada 22 jyldan beri istep keledi.
«Qaterli isik jaily bilgende naýqastardyń basym bóligi birden kúizelike túsedi. Jylaidy. Qinalady. Sol kezde biz olarǵa emdik sharalarmen qatar, psihologiialyq kómek te kórsetemiz. Ár naýqastyń saýyǵyp ketýin tileýmen júremiz. Árine múndai jerde jumys isteý ońai emes. Kóz aldymyzda olar ómir men ólim arasynda arpalysady. Himiia alǵan sátte jandary qinalǵan naýqastardyń shashy túsip, denelerinde isik te paida bolyp jatady. Biraq olar ómir úshin kúresip, dertti te kóp jaǵdaida jeńip shyǵady. Eń bastysy úmit úzilmeý kerek dep sanaimyn. Ár adam óz densaýlyǵyna nemquraidy qaramasa dep tileimin», - dedi jany meiirimge toly medbike.
Qundyz Altaiqyzy jumys isteitin jerde 80-ge jýyq medbike bar. Ol bas medbike qyzmetin atqarady. Ár mamanǵa jumysqa meiirimdilikpen qaraý kerektigin jii qaitalaimyn deidi.
«Bizde basqa aýrýhanalardaǵydai emes, jaǵdai basqasha. Qaterli isikke shaldyqqan jandardy emdeimiz. Sol sebepti, medbikelerden ár kez óz jumystaryna shydamdylyq tanytýdy suraimyn. Sebebi, ár naýqasqa birinshi kezekte meiirim qajet. Tipti keide emdik sharalardan bas tartyp, bizdi uryp jiberetin de sátter bolady. Onyń barlyǵyna tek túsinistik tanytamyz», - dedi Q. Altaiqyzy.
Qundyz Bekturova Taldyqorǵandaǵy buryńǵy meditsinalyq ýchilisheni (qazir ataýy Meditsinalyq kolledj) bitirgen. Qazir eki balanyń anasy. Qyzy Almaty oblystyq ekologiia depatamentinde bas maman bolyp jumys isteidi. Al uly Almatydaǵy «Narhoz» ýniversitetiniń 3-shi kýrs stýdenti.
Almaty oblysyndaǵy Aqsý aýdanyna qarasty Matai aýylynda dúniege kelgen medbike ár maman jumysta tabandylyq tanytý kerek degen ustanymda. Sonda eńbektiń de jemisti bolatynyna ol senimdi. Qundyz Bekturova qazir ózi bilim alǵan shańyraqta da stýdentterge dáris oqyp, bilimdi urpaq tárbieleýge óz úlesin qosýda.
