بٷگٸن حالىقارالىق مەدبيكەلەر كٷنٸ. تالدىقورعانداعى وبلىستىق كٶپسالالى ونكولوگييالىق كلينيكادا مەدبيكە بولىپ ٸستەيتٸن قۇندىز بەكتۇروۆا ەر ناۋقاسقا بٸرٸنشٸ كەزەكتە مەيٸرٸم قاجەتتٸلٸگٸن ايتادى, دەپ جازادى قازاقپارات.
كٶپ جىل مەدبيكە بولىپ ٸستەپ كەلە جاتقان قۇندىز بەكتۇروۆا ٶزٸ قاتىسقان العاشقى وپەراتسييانى ەسكە الدى. ونىڭ ايتۋىنشا, ناۋقاستىڭ سول كەزدە اسقازانىن تولىقتاي الىپ تاستاعان.
«ول وتانىڭ جاسالعانىنا دا 22 جىل ٶتتٸ. العاش رەت جۇمىسقا ورنالاسقان كەزٸم ەدٸ. جازىلمايتىن دەرتكە شالدىققان ناۋقاستىڭ تولىقتاي اسقازانىن كٶز الدىمدا الىپ تاستادى. ەرينە وتادا قاتتى قورىقتىم.كٷردەلٸ وتا بولعاندىقتان ناۋقاس ٶمٸر سٷرمەيتٸن شىعار دەگەن وي كەلدٸ. بٸراق, مەن قاتەلەسٸپپٸن. وتادان كەيٸن ول ادام 15 جىل ٶمٸر سٷردٸ. سوندىقتان قاتەرلٸ ٸسٸككە شالدىققان جاندار بٸردەن كٷيزەلٸسكە تٷسپەسە ەكەن دەپ تٸلەيمٸن. سەبەبٸ, دەر كەزٸندە دەرٸگەرگە قارالسا, دەرتپەن كٷرەسۋگە بولادى», - دەيدٸ قۇندىز بەكتۇروۆا.
قۇندىز ول كەزدە نەبەرٸ 23 جاستا عانا بولىپتى. تاباندىلىق, جۇمىسىنا دەگەن سٷيٸسپەنشٸلٸكتٸڭ ارقاسىندا ول ونكولوگييالىق كلينيكادا 22 جىلدان بەرٸ ٸستەپ كەلەدٸ.
«قاتەرلٸ ٸسٸك جايلى بٸلگەندە ناۋقاستاردىڭ باسىم بٶلٸگٸ بٸردەن كٷيزەلٸكە تٷسەدٸ. جىلايدى. قينالادى. سول كەزدە بٸز ولارعا ەمدٸك شارالارمەن قاتار, پسيحولوگييالىق كٶمەك تە كٶرسەتەمٸز. ەر ناۋقاستىڭ ساۋىعىپ كەتۋٸن تٸلەۋمەن جٷرەمٸز. ەرينە مٷنداي جەردە جۇمىس ٸستەۋ وڭاي ەمەس. كٶز الدىمىزدا ولار ٶمٸر مەن ٶلٸم اراسىندا ارپالىسادى. حيمييا العان سەتتە جاندارى قينالعان ناۋقاستاردىڭ شاشى تٷسٸپ, دەنەلەرٸندە ٸسٸك تە پايدا بولىپ جاتادى. بٸراق ولار ٶمٸر ٷشٸن كٷرەسٸپ, دەرتتٸ تە كٶپ جاعدايدا جەڭٸپ شىعادى. ەڭ باستىسى ٷمٸت ٷزٸلمەۋ كەرەك دەپ سانايمىن. ەر ادام ٶز دەنساۋلىعىنا نەمقۇرايدى قاراماسا دەپ تٸلەيمٸن», - دەدٸ جانى مەيٸرٸمگە تولى مەدبيكە.
قۇندىز التايقىزى جۇمىس ٸستەيتٸن جەردە 80-گە جۋىق مەدبيكە بار. ول باس مەدبيكە قىزمەتٸن اتقارادى. ەر مامانعا جۇمىسقا مەيٸرٸمدٸلٸكپەن قاراۋ كەرەكتٸگٸن جيٸ قايتالايمىن دەيدٸ.
«بٸزدە باسقا اۋرۋحانالارداعىداي ەمەس, جاعداي باسقاشا. قاتەرلٸ ٸسٸككە شالدىققان جانداردى ەمدەيمٸز. سول سەبەپتٸ, مەدبيكەلەردەن ەر كەز ٶز جۇمىستارىنا شىدامدىلىق تانىتۋدى سۇرايمىن. سەبەبٸ, ەر ناۋقاسقا بٸرٸنشٸ كەزەكتە مەيٸرٸم قاجەت. تٸپتٸ كەيدە ەمدٸك شارالاردان باس تارتىپ, بٸزدٸ ۇرىپ جٸبەرەتٸن دە سەتتەر بولادى. ونىڭ بارلىعىنا تەك تٷسٸنٸستٸك تانىتامىز», - دەدٸ ق. التايقىزى.
قۇندىز بەكتۇروۆا تالدىقورعانداعى بۇرىڭعى مەديتسينالىق ۋچيليششەنٸ (قازٸر اتاۋى مەديتسينالىق كوللەدج) بٸتٸرگەن. قازٸر ەكٸ بالانىڭ اناسى. قىزى الماتى وبلىستىق ەكولوگييا دەپاتامەنتٸندە باس مامان بولىپ جۇمىس ٸستەيدٸ. ال ۇلى الماتىداعى «نارحوز» ۋنيۆەرسيتەتٸنٸڭ 3-شٸ كۋرس ستۋدەنتٸ.
الماتى وبلىسىنداعى اقسۋ اۋدانىنا قاراستى ماتاي اۋىلىندا دٷنيەگە كەلگەن مەدبيكە ەر مامان جۇمىستا تاباندىلىق تانىتۋ كەرەك دەگەن ۇستانىمدا. سوندا ەڭبەكتٸڭ دە جەمٸستٸ بولاتىنىنا ول سەنٸمدٸ. قۇندىز بەكتۇروۆا قازٸر ٶزٸ بٸلٸم العان شاڭىراقتا دا ستۋدەنتتەرگە دەرٸس وقىپ, بٸلٸمدٸ ۇرپاق تەربيەلەۋگە ٶز ٷلەسٸن قوسۋدا.
