Foto: Bluescreen.kz
Májilis depýtaty Ashat Aimaǵambetov muǵalimderdiń qoǵamdaǵy beinesi men bedeli týraly pikir bildirip, qazirgi zaman talabymen qatar, ustazdyqtyń jaýapkershiligi men qadirin umytpaý keregin Adal Adam YouTube arnasyna bergen suqbatynda aitty, dep habarlaidy Ult.kz.
Onyń aitýynsha, TikTok, Instagram, Netflix syndy zamanaýi platformalardyń áserin eskere otyryp, muǵalim men mektep direktorlarynyń da óz beinesin saqtaýy mindet.
«Balalarǵa jaqyn bolý óte mańyzdy. Ózim de qazirgi ýaqytta ustazdyq qyzmet atqaryp júrmin. Biz oqýshy kezimizde muǵalimderge erekshe qurmetpen qarap, tapjylmai tyńdaitynbyz. Sondyqtan muǵalimniń beinesi, imidji men bedeli – óte mańyzdy. Rils – rils, jumysty kórsetý kerek, oqýshylarmen bailanys ta mańyzdy. Biraq anekdot aityp, trend qýyp júrgen muǵalimniń áreketi suraq týǵyzady. Ár nárseniń óz reti bar», – dedi depýtat.
Ashat Aimaǵambetov bul másele boiynsha Bilim ministrligi naqty ustanym qalyptastyrýy tiis dep esepteidi. Onyń aitýynsha, muǵalimniń bedelin túsirmei, kerisinshe arttyrý qoǵamnyń da, júieniń de ortaq mindetine ainalýy qajet.
