فوتو: Bluescreen.kz
مەجٸلٸس دەپۋتاتى اسحات ايماعامبەتوۆ مۇعالٸمدەردٸڭ قوعامداعى بەينەسٸ مەن بەدەلٸ تۋرالى پٸكٸر بٸلدٸرٸپ, قازٸرگٸ زامان تالابىمەن قاتار, ۇستازدىقتىڭ جاۋاپكەرشٸلٸگٸ مەن قادٸرٸن ۇمىتپاۋ كەرەگٸن Adal Adam YouTube ارناسىنا بەرگەن سۇقباتىندا ايتتى, دەپ حابارلايدى Ult.kz.
ونىڭ ايتۋىنشا, TikTok, Instagram, Netflix سىندى زاماناۋي پلاتفورمالاردىڭ ەسەرٸن ەسكەرە وتىرىپ, مۇعالٸم مەن مەكتەپ ديرەكتورلارىنىڭ دا ٶز بەينەسٸن ساقتاۋى مٸندەت.
«بالالارعا جاقىن بولۋ ٶتە ماڭىزدى. ٶزٸم دە قازٸرگٸ ۋاقىتتا ۇستازدىق قىزمەت اتقارىپ جٷرمٸن. بٸز وقۋشى كەزٸمٸزدە مۇعالٸمدەرگە ەرەكشە قۇرمەتپەن قاراپ, تاپجىلماي تىڭدايتىنبىز. سوندىقتان مۇعالٸمنٸڭ بەينەسٸ, يميدجٸ مەن بەدەلٸ – ٶتە ماڭىزدى. ريلس – ريلس, جۇمىستى كٶرسەتۋ كەرەك, وقۋشىلارمەن بايلانىس تا ماڭىزدى. بٸراق انەكدوت ايتىپ, ترەند قۋىپ جٷرگەن مۇعالٸمنٸڭ ەرەكەتٸ سۇراق تۋعىزادى. ەر نەرسەنٸڭ ٶز رەتٸ بار», – دەدٸ دەپۋتات.
اسحات ايماعامبەتوۆ بۇل مەسەلە بويىنشا بٸلٸم مينيسترلٸگٸ ناقتى ۇستانىم قالىپتاستىرۋى تيٸس دەپ ەسەپتەيدٸ. ونىڭ ايتۋىنشا, مۇعالٸمنٸڭ بەدەلٸن تٷسٸرمەي, كەرٸسٸنشە ارتتىرۋ قوعامنىڭ دا, جٷيەنٸڭ دە ورتاق مٸندەتٸنە اينالۋى قاجەت.
