Ár bala mektep bitirgende qazaq tilinde sóileitindei jaǵdai jasaýymyz kerek Bul týraly búgin Qazaqstan halqy Assambleiasy keńesiniń otyrysynda QR Tuńǵysh Prezidenti - Elbasy, QHA tóraǵasy Nursultan Nazarbaev aitty, dep habarlaidy QazAqparat.
«Elimizde 5 644 uiym balalardy memlekettik tilde oqytady. Shamamen 3,8 myń qazaq mektebi jumys istep tur. Buǵan qosa, orys tili memlekettik uiymdar men jergilikti ózin-ózi basqarý organdarynda qazaq tilimen qatar qoldanylatyn til bolyp qala beredi. Konstitýtsiiada solai jazylǵan. «Rýhani jańǵyrý» baǵdarlamasy aiasynda qazaq ádebietiniń shyǵarmalary BUU-ǵa múshe elderdiń 6 tiline aýdaryldy. Biz muny alǵash ret qazaq ádebieti men mádenieti búkil álemde tanymal bolýy úshin jasadyq. Ǵylymnyń jetekshi salalaryndaǵy aldyńǵy qatarly eńbekterdi qazaq tiline aýdardyq. Bul jumys jalǵasyp ta jatyr. Bizdiń joǵary oqý oryndarymyz fizika, himiia jáne ózge de ǵylymdar boiynsha aǵylshyn tilindegi oqýlyqtar jaiynda alǵash ret bildi. Qazaq poeziiasy antologiiasynyń tusaýkeseri álemdik mádeniet astanalarynda ótkizildi», - dedi QR Tuńǵysh Prezidenti.
Elbasy beibitshilik, kelisim jáne birlik memlekettik saiasattyń basty basymdyǵy bolǵanyn jáne solai bolyp ta qala beretindigin basa aitty.
«Sondyqtan da dál osy qundylyqtardyń arqasynda biz damyp, elimizdi baiytamyz, adamdarymyz úshin jaqsy ómirge jaǵdai jasaimyz. Bul etnosaralyq qozǵalys salasyndaǵy túbegeili ustanym jáne ol ózgermeidi. Assambleia barlyq etnostardy bizdiń ortaq qazaqstandyq qundylyqtarymyzdyń tóńiregine toptastyrý úshin jumys isteýi kerek. Qazaq tiliniń biriktirýshi faktorǵa ainalýyna, elimizdiń halqynyń birligin munan ary da nyǵaitýǵa áleýeti bar. Ol etnosaralyq qarym-qatynas tiline ainalýy úshin keńeń-kezeńimen aiasyn keńeitip, ony oqityn adamdardyń sanyn arttyrý qajet», - dedi Nursultan Nazarbaev.
QR Tuńǵysh Prezidentiniń dereginshe, elimizde qazaq tiline tegin oqytatyn 90 ortalyq jumys istep tur.
«Jumsartyp aitqanda, olardyń tiimdiligine qatysty ádil saýaldar týyndaidy. Sondyqtan Mádeniet jáne sport, Bilim jáne ǵylym ministrlikteri memlekettik tildi meńgerý júiesiniń tiimdiligin barynsha arttyrýy kerek. Biz árbir bala mektep bitirgennen keiin qazaq tilin meńgerip, oqi, jaza jáne sóilei alatyndai jaǵdai jasaýymyz kerek. Bul olarǵa memlekettik qyzmettiń barlyq salasynda, ekonomikada jáne basqa da qyzmette jumys isteýine múmkindik beredi», - dedi Elbasy.
.jpeg)