Halyqaralyq qaýymdastyq qansha kúsh salǵanymen, ár aida baiyrǵy halyq ókilderi sóileitin eki til joiylyp jatyr. Olarmen birge bilim, salt pen dástúr qosa ketedi. Bul týraly BUU Bas assambleiasy 74-sessiiasynyń Tóraǵasy Tidjani Muhammed-Bande málimdedi, dep habarlaidy "Ult aqparat" «BUU jańalyqtaryna» silteme jasap.
2019 jyl BUU uiǵarymymen Halyqaralyq baiyrǵy tilder jyly bolyp jariialanǵan. Bas assambleia keshe osy jyldyń qorytyndysyn jasady. Álemde baiyrǵy halyqtardyń 4 myńǵa jýyq tili bar. Keibirinde birneshe adam ǵana sóileidi. Tidjane Muhammed-Bande aldaǵy onjyldyqta kóptegen tilderdiń joiylyp ketýi múmkin ekenin aitty.
«Ár eki aptada kem degende bir baiyrǵy ulttyń tili joǵalady. Aiyna – eki óli til», - dedi Tidjani Muhammed-Bande.
Tóraǵanyń aitýynsha, qazirgi kúni baiyrǵy halyqtardyń tórt myńdai tili ǵana saqtalǵan, olarda álem halqynyń 6%-y ǵana sóileidi.
Muhammed-Bande barlyq halyqaralyq uiymdardy tildi saqtaý sharalaryn kúsheitýge shaqyrdy.
