حالىقارالىق قاۋىمداستىق قانشا كٷش سالعانىمەن, ەر ايدا بايىرعى حالىق ٶكٸلدەرٸ سٶيلەيتٸن ەكٸ تٸل جويىلىپ جاتىر. ولارمەن بٸرگە بٸلٸم, سالت پەن دەستٷر قوسا كەتەدٸ. بۇل تۋرالى بۇۇ باس اسسامبلەياسى 74-سەسسيياسىنىڭ تٶراعاسى تيدجاني مۇحاممەد-باندە مەلٸمدەدٸ, دەپ حابارلايدى "ۇلت اقپارات" «بۇۇ جاڭالىقتارىنا» سٸلتەمە جاساپ.
2019 جىل بۇۇ ۇيعارىمىمەن حالىقارالىق بايىرعى تٸلدەر جىلى بولىپ جارييالانعان. باس اسسامبلەيا كەشە وسى جىلدىڭ قورىتىندىسىن جاسادى. ەلەمدە بايىرعى حالىقتاردىڭ 4 مىڭعا جۋىق تٸلٸ بار. كەيبٸرٸندە بٸرنەشە ادام عانا سٶيلەيدٸ. تيدجانە مۇحاممەد-باندە الداعى ونجىلدىقتا كٶپتەگەن تٸلدەردٸڭ جويىلىپ كەتۋٸ مٷمكٸن ەكەنٸن ايتتى.
«ەر ەكٸ اپتادا كەم دەگەندە بٸر بايىرعى ۇلتتىڭ تٸلٸ جوعالادى. ايىنا – ەكٸ ٶلٸ تٸل», - دەدٸ تيدجاني مۇحاممەد-باندە.
تٶراعانىڭ ايتۋىنشا, قازٸرگٸ كٷنٸ بايىرعى حالىقتاردىڭ تٶرت مىڭداي تٸلٸ عانا ساقتالعان, ولاردا ەلەم حالقىنىڭ 6%-ى عانا سٶيلەيدٸ.
مۇحاممەد-باندە بارلىق حالىقارالىق ۇيىمداردى تٸلدٸ ساقتاۋ شارالارىن كٷشەيتۋگە شاقىردى.
