Aqjar aýdanynda jol qurylysyna bailanysty eń úlken joba iske asyp jatyr. Naýryzbai aýdanynyń ákimdigi men Óńirlik kommýnikatsiialar qyzmeti uiymdastyrǵan baspasóz týry barysynda jýrnalister osy jumystyń aiaq alysymen tanysyp, jyldam damyp kele jatqan aýdanda kólik infraqurylymynyń qalai jańaryp jatqanyna kýá bolyp qaitty.
Uzyndyǵy 45 shaqyrymnan asatyn 89 kóshede zamanǵa sai kólik joly salynyp jatyr. Jol infraqurylymyn damytý basqarmasynyń tapsyrysymen jumysty «BCS Construction» JShS merdiger uiymy qolǵa alypty.
Qurylysty kezeń-kezeńimen júrgizip, sý qubyry men káriz jelisin tartý jumysymen úilestirgen eken. Mundai tásil abattandyrý aiaqtalǵannan keiin jol jamylǵysyn qaita qazyp áýrelemei, jobany tiimdi etýge sep bolmaq.
Baspasóz týry barysynda jýrnalister atqarylǵan jumyspen tanysty. Qazirgi tańda shaǵyn aýdanda shamamen 36 shaqyrym jolǵa asfalt tóselipti, bul jalpy joba kóleminiń 80 paiyzy degen sóz.
Aýdan ákimi munyń bári shaǵyn aýdannyń injenerlik infraqurylymyn damytýdy kózdeitin aýqymdy jumystyń jalǵasy ekenin aitady.
«Munda eki jyl boiy sý qubyry men káriz júiesiniń qurylysy júrdi. Osy jumys aiaqtalǵannan keiin jol salýǵa kiristik. Jańa jolyń jalpy uzyndyǵy 45,3 shaqyrym bolady, 89 kósheni qamtidy. Bul – aýdanymyzdaǵy eń iri infraqurylymdyq jobanyń biri boldy», – deidi Názira Toǵyzbaeva.
Onyń aitýynsha, jumystyń basym bóligi búginde aiaqtalǵan.
«Qazir 36 shaqyrym jol salynyp bitti. Buryn-sońdy asfalt tóselmegen 74 kóshede jumys tolyq aiaqtaldy. 2026 jyldyń qazan aiyna deiin qalǵan 10,3 shaqyrym joldy aiaqtap, shaǵyn aýdan turǵyndaryn tolyqqandy osy zamanǵy jol jelisimen qamtamasyz etemiz», – dep atap ótti aýdan ákimi.
Jańa joldyń qurylysymen qatar, aýdandaǵy kóshe-jol jelisine de ortasha jóndeý júrgizip jatyr.
«Ortasha jóndeý aiasynda jalpy uzyndyǵy 10,4 shaqyrymdy quraityn 11 kóshede osyndai jumys istelip jatyr. Qazir Jandosov kóshesiniń Medeýbekov kóshesinen Dáýletkerei kóshesine deiingi bóliginde joldy keńeitip jatyr. Sonymen qatar aǵymdaǵy jóndeý sheńberinde eki kóshe jóndelip, baqylaý men jańbyr sýyn qabyldaý qudyǵynyń qaqpaǵy aýystyryldy, nóser kárizi júiesiniń elementteri jóndelip, ózdiginen teńestiriletin liýkter ornatyldy», – dedi Názira Toǵyzbaeva.
Injenerlik kommýnikatsiialar tolyq aiaqtalǵan ýchaskede joldyń negizin daiyndap, asfaltbeton jamylǵysyn tósep jatyr.
2026 jyldyń qazan aiynda Aqjar shaǵyn aýdanyndaǵy barlyq kóshede asfaltbetonnyń joǵarǵy qabatyn tóseý bitpek oida. Joba iske asqannan keiin shaǵynaýdannyń kólik qoljetimdiligi artyp, qalalyq ortadaǵy jailylyq deńgeii edáýir jaqsarady.
