اقجار اۋدانىندا جول قۇرىلىسىنا بايلانىستى ەڭ ٷلكەن جوبا ٸسكە اسىپ جاتىر. ناۋرىزباي اۋدانىنىڭ ەكٸمدٸگٸ مەن ٶڭٸرلٸك كوممۋنيكاتسييالار قىزمەتٸ ۇيىمداستىرعان باسپاسٶز تۋرى بارىسىندا جۋرناليستەر وسى جۇمىستىڭ اياق الىسىمەن تانىسىپ, جىلدام دامىپ كەلە جاتقان اۋداندا كٶلٸك ينفراقۇرىلىمىنىڭ قالاي جاڭارىپ جاتقانىنا كۋە بولىپ قايتتى.
ۇزىندىعى 45 شاقىرىمنان اساتىن 89 كٶشەدە زامانعا ساي كٶلٸك جولى سالىنىپ جاتىر. جول ينفراقۇرىلىمىن دامىتۋ باسقارماسىنىڭ تاپسىرىسىمەن جۇمىستى «BCS Construction» جشس مەردٸگەر ۇيىمى قولعا الىپتى.
قۇرىلىستى كەزەڭ-كەزەڭٸمەن جٷرگٸزٸپ, سۋ قۇبىرى مەن كەرٸز جەلٸسٸن تارتۋ جۇمىسىمەن ٷيلەستٸرگەن ەكەن. مۇنداي تەسٸل اباتتاندىرۋ اياقتالعاننان كەيٸن جول جامىلعىسىن قايتا قازىپ ەۋرەلەمەي, جوبانى تيٸمدٸ ەتۋگە سەپ بولماق.
باسپاسٶز تۋرى بارىسىندا جۋرناليستەر اتقارىلعان جۇمىسپەن تانىستى. قازٸرگٸ تاڭدا شاعىن اۋداندا شامامەن 36 شاقىرىم جولعا اسفالت تٶسەلٸپتٸ, بۇل جالپى جوبا كٶلەمٸنٸڭ 80 پايىزى دەگەن سٶز.
اۋدان ەكٸمٸ مۇنىڭ بەرٸ شاعىن اۋداننىڭ ينجەنەرلٸك ينفراقۇرىلىمىن دامىتۋدى كٶزدەيتٸن اۋقىمدى جۇمىستىڭ جالعاسى ەكەنٸن ايتادى.
«مۇندا ەكٸ جىل بويى سۋ قۇبىرى مەن كەرٸز جٷيەسٸنٸڭ قۇرىلىسى جٷردٸ. وسى جۇمىس اياقتالعاننان كەيٸن جول سالۋعا كٸرٸستٸك. جاڭا جولىڭ جالپى ۇزىندىعى 45,3 شاقىرىم بولادى, 89 كٶشەنٸ قامتيدى. بۇل – اۋدانىمىزداعى ەڭ ٸرٸ ينفراقۇرىلىمدىق جوبانىڭ بٸرٸ بولدى», – دەيدٸ نەزيرا توعىزباەۆا.
ونىڭ ايتۋىنشا, جۇمىستىڭ باسىم بٶلٸگٸ بٷگٸندە اياقتالعان.
«قازٸر 36 شاقىرىم جول سالىنىپ بٸتتٸ. بۇرىن-سوڭدى اسفالت تٶسەلمەگەن 74 كٶشەدە جۇمىس تولىق اياقتالدى. 2026 جىلدىڭ قازان ايىنا دەيٸن قالعان 10,3 شاقىرىم جولدى اياقتاپ, شاعىن اۋدان تۇرعىندارىن تولىققاندى وسى زامانعى جول جەلٸسٸمەن قامتاماسىز ەتەمٸز», – دەپ اتاپ ٶتتٸ اۋدان ەكٸمٸ.
جاڭا جولدىڭ قۇرىلىسىمەن قاتار, اۋدانداعى كٶشە-جول جەلٸسٸنە دە ورتاشا جٶندەۋ جٷرگٸزٸپ جاتىر.
«ورتاشا جٶندەۋ اياسىندا جالپى ۇزىندىعى 10,4 شاقىرىمدى قۇرايتىن 11 كٶشەدە وسىنداي جۇمىس ٸستەلٸپ جاتىر. قازٸر جاندوسوۆ كٶشەسٸنٸڭ مەدەۋبەكوۆ كٶشەسٸنەن دەۋلەتكەرەي كٶشەسٸنە دەيٸنگٸ بٶلٸگٸندە جولدى كەڭەيتٸپ جاتىر. سونىمەن قاتار اعىمداعى جٶندەۋ شەڭبەرٸندە ەكٸ كٶشە جٶندەلٸپ, باقىلاۋ مەن جاڭبىر سۋىن قابىلداۋ قۇدىعىنىڭ قاقپاعى اۋىستىرىلدى, نٶسەر كەرٸزٸ جٷيەسٸنٸڭ ەلەمەنتتەرٸ جٶندەلٸپ, ٶزدٸگٸنەن تەڭەستٸرٸلەتٸن ليۋكتەر ورناتىلدى», – دەدٸ نەزيرا توعىزباەۆا.
ينجەنەرلٸك كوممۋنيكاتسييالار تولىق اياقتالعان ۋچاسكەدە جولدىڭ نەگٸزٸن دايىنداپ, اسفالتبەتون جامىلعىسىن تٶسەپ جاتىر.
2026 جىلدىڭ قازان ايىندا اقجار شاعىن اۋدانىنداعى بارلىق كٶشەدە اسفالتبەتوننىڭ جوعارعى قاباتىن تٶسەۋ بٸتپەك ويدا. جوبا ٸسكە اسقاننان كەيٸن شاعىناۋداننىڭ كٶلٸك قولجەتٸمدٸلٸگٸ ارتىپ, قالالىق ورتاداعى جايلىلىق دەڭگەيٸ ەدەۋٸر جاقسارادى.
