Jylqyshy Rahat Sársenovtiń otbasy baspanaly boldy, dep habarlaidy ult.kz.
Bul týraly jýrnalist Rýslan Ótepbai áleýmettik jelidegi paraqshasynda habarlady.
Onyń aitýynsha, Aqtóbe qalasyndaǵy jergilikti kásipkerlerdiń biri Rahat Sársenovtiń otbasyna turǵyn úi syilaǵan. Bul jańalyqty estigen qariia tolqyp, kózine jas alǵan.
«Jumysymnan kórmegen jaqsylyqty halyqtan kórdim», – dedi Rahat Sársenov.
Jýrnalist qiyn kezeńde qoldaý bildirgen kásipkerge jáne janashyrlyq tanytqan barsha qazaqstandyqtarǵa alǵys aityp, «Alla razy bolsyn!» degen tilegin jetkizdi.
Sonymen qatar, Rahat Sársenovtiń isi boiynsha quqyqtyq jumystar jalǵasyp jatqany belgili boldy. Málimetke sáikes, zańgerler qajetti aryz-shaǵymdardy ázirlep, isti qaita qaraýǵa baǵyttalǵan quqyqtyq rásimderdi bastap ketken.
Rýslan Ótepbai bul istiń sońyna deiin qoǵamdyq baqylaýda bolatynyn aityp, aldaǵy ýaqytta oqiǵaǵa qatysty barlyq taraptyń pikirin jinap, óz YouTube arnasynda jariialaitynyn málimdedi.
