Aqtóbede óndiristik jaraqat saldarynan qaza bolǵan er adamnyń otbasy úshin tólengen 25 million teńgeni anasy iemdenip, óz qajetine jumsaǵan, dep habarlaidy ult.kz.
Oqiǵa 2021 jyly bolǵan. Aqtóbelik er adam óndiristik jaraqat saldarynan qaza tapqan. Onyń artynda áieli men balalary qalǵan.
Jumys berýshi marqumnyń otbasyna moraldyq ziian úshin 25 million teńge ótemaqy tólegen. Alaida keiin bul qarajattyń marqumnyń balalary men jubaiyna emes, onyń anasyna berilgeni anyqtalǵan.
Aqtóbe oblysynyń prokýratýrasy málimetinshe, áiel atalǵan qarajatty iemdenip, óz qajetine jumsaǵan.
Osyǵan bailanysty prokýrorlar asyraýshysynan aiyrylǵan otbasynyń múddesin qorǵaý úshin sotqa talap aryz bergen.
Sot talapty qanaǵattandyryp, áieldi marqum ulynyń balalary men jubaiyna 25 million teńgeni qaitarýǵa mindettedi.
