Aqtóbe oblysynda jol apatynan Don taý-ken baiytý kombinatynyń úsh qyzmetkeri qaza tapty, dep habarlaidy ult.kz.
28 shildede Aqtóbe men Hromtaý qalalarynyń arasyndaǵy Samara – Shymkent tasjolynda Audi jeńil kóligi men júk tasymaldaityn «GAZel» avtokóligi soqtyǵysty.
Politsiianyń málimetinshe, jol apaty saldarynan 25 jastaǵy Audi júrgizýshisi men bir jolaýshy oqiǵa ornynda kóz jumǵan. Taǵy bir jolaýshy aýrýhanaǵa jetkizilip bara jatqan jolda qaitys boldy.
Qaza tapqan úsh azamattyń da Hromtaýdaǵy Don taý-ken baiytý kombinatynda jumys istegeni belgili boldy. Olar jumysqa óz kólikterimen bara jatqan.
«Qazhrom» TUK» AQ baspasóz qyzmeti jol-kólik oqiǵasynyń mán-jaiy men sebepterin ýákiletti organdar anyqtap jatqanyn habarlap, marqumdardyń týǵan-týystary men jaqyndaryna kóńil aitty.
Jol apatynan «GAZel» júrgizýshisi de zardap shegip, aýrýhanaǵa jetkizildi.
