Aqtóbe oblysynda politseiler 500-den astam túp qarasora ósirilgen zańsyz alqapty anyqtady, dep habarlaidy ult.kz.
Polisia.kz málimetinshe, oqiǵa «Qarasora–2026» respýblikalyq jedel-profilaktikalyq is-sharasy aiasynda tirkelgen. Politseiler quramynda esirtki zaty bar ósimdikterdi zańsyz ósirý faktisin áshkerelegen.
Tintý barysynda jeke turǵyn úidiń aýlasynan 500-den astam túp qarasora tabylǵan. Sondai-aq keptirilgen qarasora sabaqtary, ósimdik tektes zat salynǵan orama jáne aqshalai qarajat tárkilendi.
Tergeý barysynda 49 jastaǵy úi iesi qarasorany jeke tutyný maqsatynda ósirgenin aitqan. Meditsinalyq tekseris nátijesinde onyń ustalǵan sátte esirtkilik masań kúide bolǵany anyqtaldy.
Atalǵan derek boiynsha quramynda esirtki zattary bar ósimdikterdi zańsyz ósirý faktisimen sotqa deiingi tergeý bastaldy. Qazirgi ýaqytta qajetti saraptamalar taǵaiyndalyp, oqiǵanyń barlyq mán-jaiy anyqtalýda.
