Aqtaýda jigit pen qyzdyń qatysýymen bolǵan janjal áleýmettik jelide qyzý talqylanyp jatyr. Oqiǵa 2 tamyz kúni tańerteń qala kósheleriniń birinde bolǵan, dep habarlaidy ult.kz.
Jelide taraǵan beinejazbadan er adamnyń boijetkendi jibermei, kúshtep ustap turǵany kórinedi. Qyz qarsylyq bildirip, qutylýǵa árekettengen sátte er adam oǵan qoqan-loqy kórsetip, zorlaitynyn aityp qorqytqan degen aqparat tarady.
Keiin boijetken kóshege qarai júgirip qashady. Onyń sońynan jeidesin sheship tastaǵan er adam qýa jónelgen. Osy sátti kórgen birneshe júrgizýshi kólikterin toqtatyp, qyzǵa kómekke umtylǵan.
Qyz kólikterdiń birine minip úlgergenimen, er adam kóliktiń esigin jibermei, ony alyp ketýge kedergi keltirmek bolǵan. Alaida oqiǵa kýágerleri men júrgizýshiler boijetkenge arasha túsip, ony qaýipsiz jerge jetkizýge kómektesken.
Qazirgi ýaqytta Mańǵystaý oblystyq politsiia departamenti atalǵan oqiǵaǵa qatysty resmi málimdeme jasaǵan joq. Oqiǵanyń mán-jaiy anyqtalyp jatyr.
