Qasym-Jomart Toqaev Pákistan Islam Respýblikasynyń Premer-ministri Shahbaz Sharifti AQSh pen Iran arasyndaǵy Ózara túsinistik týraly memorandýmnyń qol qoiylýyna dáneker bolǵan diplomatiialyq áreketiniń nátijeli aiaqtalýymen quttyqtady, dep habarlaidy ult.kz.
Prezident osy tarihi kelisimge qol jetkizýge yqpal etken Pákistannyń konstrýktivti rólin joǵary baǵalap, Shahbaz Shariftiń kóregen kóshbasshylyǵyn jáne onyń qaqtyǵystardy beibit jolmen sheshý qaǵidatyn dáiekti túrde jaqtaitynyn atap ótti.
Memleket basshysy atalǵan ýaǵdalastyq Taiaý Shyǵysta jáne tutas álemde uzaqmerzimdi turaqtylyqty qamtamasyz etý turǵysynan airyqsha mánge ie ekenine nazar aýdardy.
Sondai-aq Prezident Islamabad óńirlik qaýipsizdik pen memleketter arasyndaǵy senimdi nyǵaitýǵa eleýli úles qosýyn jalǵastyra beretinine úmit artatynyn jetkizdi.
Qasym-Jomart Toqaev Qazaqstannyń Pákistanmen san qyrly yntymaqtastyqty odan ári keńeitýge daiyn ekenin rastap, Premer-ministrdiń jaýapty qyzmetine tabys tiledi.
