Ánshi Aqbota Kerimbekova bala kezinde otbasynda bolǵan qiyndyqtar týraly aityp, júreginde saqtalǵan aýyr esteligimen bólisti, dep habarlaidy ult.kz.
Óner iesiniń sózinshe, ákesi otbasynda ul balanyń dúniege kelmegenine kóńili tolmai, ashýyn áieli men balalaryna kórsetken. Úidegi jii janjal men kúsh kórsetý onyń balalyq shaǵyndaǵy eń aýyr estelikteriniń birine ainalǵan.
Ánshi mundai jaǵdaidyń bala psihologiiasyna aitarlyqtai áser etetinin atap ótti. Onyń aitýynsha, zorlyq-zombylyqtyń tikelei qurbany bolmaǵan bala otbasydaǵy janjaldyń kýási retinde de psihologiialyq jaraqat alýy múmkin.
Aqbota Kerimbekova adamnyń syrt kózge kóńildi ári baqytty kóringenimen, onyń eshkimge aita bermeitin aýyr ótkeni bolýy múmkin ekenin jetkizdi.
Osy oraida ánshi otbasyndaǵy ózara syilastyq pen jyly qarym-qatynastyń mańyzyn atap ótip, balalardyń janynda janjal men kúsh kórsetýden aýlaq bolý qajet ekenin meńzedi.
