Kishi Aralǵa qatysty Kókaral bógetinde balyqtyń qyrylý faktisi tirkeldi. Bul jaǵdai Orman sharýashylyǵy jáne janýarlar álemi komiteti inspektorlarynyń tekserisi kezinde belgili boldy, dep habarlady "Ult aqparat".
Búgingi kúnde balyqtardyń ne sebepti qyrylǵany belgisiz bolyp otyr. Oblysta arnaiy qurylǵan komissiia oqiǵanyń neden bolǵanyn anyqtaýǵa kiristi. Onyń quramyna ekologiia, tótenshe jaǵdailar men veterinariia qyzmetiniń mamandary tartyldy.
«Oqiǵanyń sebep-saldaryn ázirge naqty aitýǵa erterek. Aldyn-ala málimetterge súiensek, balyqtyń qyrylýyna Qyzylorda oblysynda kúnniń shamadan tys ysýy men Kókaral bógetinde sýdy teńizge aǵyzyp jiberý sebep bolýy múmkin. Alaida onyń naqty sebebi ázir aiqyn emes», - deidi mamandar.
