iPhone 18 Pro smartfondarynyń baǵasy aitarlyqtai qymbattaýy múmkin. Sarapshylardyń boljamynsha, jańa modeldiń quny 1400 dollarǵa deiin jetýi yqtimal. Bul qazirgi iPhone 17 Pro baǵasynan shamamen 300 dollarǵa joǵary, dep habarlaidy ult.kz.
ixbt.com saitynyń málimetinshe, jad, kamera jáne basqa da negizgi komponentterdiń qymbattaýy Apple-di baǵa saiasatyn qaita qaraýǵa itermelep otyr. The Wall Street Journal men TechInsights sarapshylary kompaniia iPhone 18 Pro-nyń bastapqy baǵasyn qazirgi 1100 dollardyń ornyna 1300–1400 dollar aralyǵynda belgileýi múmkin ekenin aitady.
WSJ dereginshe, 1400 dollarlyq baǵa eń yqtimal nusqa sanalady. Mundai jaǵdaida iPhone 18 Pro Max modeli 1500 dollardan bastalýy múmkin.
Buǵan deiin Apple kompaniiasynyń bas direktory Tim Kýk jad komponentteriniń qymbattaýyna bailanysty qurylǵylar baǵasynyń ósýi sózsiz ekenin aitqan bolatyn.
