Dýlati kóshesindegi jol apatyna qatysty qosymsha málimet jariialady, dep habarlaidy "Ult aqparat".
Jol apaty Bostandyq aýdanynda kúndizgi 12:00-de bolǵan.
«Shacman kóligin tizgindegen 47 jastaǵy er adam Dýlati kóshesimen soltústik baǵytqa kele jatyp Naberejnaia kóshesimen qiylysta Nissan Maxima kóligimen soqtyǵysqan. Soǵylǵan soń da júk kóligi júitkigen jyldamdyǵyn túsirmegen. Sodan keiin júk kóligi shyǵys jaqtaǵy jol shetine shyǵyp ketken. Sol qarqynmen aialdamadaǵy jarnama qalqanyn, transformatorlyq qosalqy stansany, jol shetindegi úilerdiń qorshaýyn qiratqan. Qorshaý aýladaǵy Toyota Land Cruiser kóliginiń ústine qulaǵan. Budan soń Nissan Maxima kóligi qarama qarsy betke shyǵyp ketip, Audi kóligine soǵylǵan», - dedi PD baspasóz qyzmetinen.
Jol apatyna bailanysty PD tiisti saraptamalar taǵaiyndady.
Soqqydan júk kóliginiń júrgizýshisi men Nissan Maxima júrgizýshisi jaraqat aldy.
Aita keteiik, búgin Almatyda bolǵan jol apatynyń videosy áleýmettik jelide taraldy.
