QR IDM Azamattyq aviatsiia komiteti tergeý aiaqtalǵansha, IaK-12 ushaqtaryn paidalanýdy toqtatty, dep habarlaidy Ult.kz tilshisi QazAqparat agenttigine silteme jasap.
«Almaty oblysy Panfilov aýdanyndaǵy «TAK Qazavia» JShS-ne qarasty IaK-12 ushaǵynyń apatqa ushyraýyna bailanysty QR IDM Azamattyq aviatsiia komiteti tergeý aiaqtalǵansha, Qazaqstan aýmaǵynda IaK-12 ushaqtaryn paidalanýdy toqtatty. Atalmysh oqiǵa boiynsha ministrliktiń Kólik oqiǵalary men oqys oqiǵalardy tekserý departamenti tergeý jumystaryn bastap ketti.
Oqiǵa ornyna sala mamandarynan qurylǵan komissiia músheleri ushyp ketti.
Eske sala keteiik, tótenshe jaǵdai búgin tańerteń Panfilov aýdanynda Sholaqai aýylyna jaqyn jerde bolǵan.
Júgeri egistigin óńdeýge shyqqan IaK-12 ushaǵy qulap, artynan órtene bastaǵan. Bortta ushqysh pen taǵy bir adam bolǵan. Ekeýi de qaza boldy.
