قر يدم ازاماتتىق اۆياتسييا كوميتەتٸ تەرگەۋ اياقتالعانشا, ياك-12 ۇشاقتارىن پايدالانۋدى توقتاتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«الماتى وبلىسى پانفيلوۆ اۋدانىنداعى «تاك قازاۆيا» جشس-نە قاراستى ياك-12 ۇشاعىنىڭ اپاتقا ۇشىراۋىنا بايلانىستى قر يدم ازاماتتىق اۆياتسييا كوميتەتٸ تەرگەۋ اياقتالعانشا, قازاقستان اۋماعىندا ياك-12 ۇشاقتارىن پايدالانۋدى توقتاتتى. اتالمىش وقيعا بويىنشا مينيسترلٸكتٸڭ كٶلٸك وقيعالارى مەن وقىس وقيعالاردى تەكسەرۋ دەپارتامەنتٸ تەرگەۋ جۇمىستارىن باستاپ كەتتٸ.
وقيعا ورنىنا سالا ماماندارىنان قۇرىلعان كوميسسييا مٷشەلەرٸ ۇشىپ كەتتٸ.
ەسكە سالا كەتەيٸك, تٶتەنشە جاعداي بٷگٸن تاڭەرتەڭ پانفيلوۆ اۋدانىندا شولاقاي اۋىلىنا جاقىن جەردە بولعان.
جٷگەرٸ ەگٸستٸگٸن ٶڭدەۋگە شىققان ياك-12 ۇشاعى قۇلاپ, ارتىنان ٶرتەنە باستاعان. بورتتا ۇشقىش پەن تاعى بٸر ادام بولعان. ەكەۋٸ دە قازا بولدى.
