Aqordanyń resmi saitynda AÓSShK transformatsiiasy jónindegi Astana málimdemesi jariialandy, dep habarlaidy "Ult aqparat".
***
Biz, Aziiadaǵy ózara is-qimyl jáne senim sharalary keńesiniń (AÓSShK) múshe memleketteriniń memleket nemese úkimet basshylary Astanada AÓSShK protsesiniń 30 jyldyǵyna orai 2022 jylǵy 12-13 qazanda jinalyp,
YNTYMAQTASTYǴYMYZDYŃ KELESI BAǴYTYN TÓMENDEGIDEI BELGILEÝGE ShEShIM QABYLDADYQ:
1. Osymen biz AÓSShK-ni tolyqqandy óńirlik halyqaralyq uiymǵa birtindep, kezeń-kezeńimen jáne konsensýsqa negizdelgen qaita qurýdyń qurylymdy, inkliýzivti jáne ashyq kelissózder protsesin iske qosamyz;
2. AÓSShK-ni qaita qurý úderisi kelesi negizgi maqsattardy kózdeidi: bizdiń bolashaq yntymaqtastyǵymyzdyń jan-jaqty salalaryn aiqyndaý jáne yqpaldastyǵymyzdyń uiymdyq jáne institýtsionaldyq negizin nyǵaitý;
3. Sondai-aq, biz uiymymyzdy onyń múshe memleketteriniń serpindi, ádil, jan-jaqty jáne teńgerimdi ekonomikalyq ósýine, bailanystaryna, áleýmettik jáne mádeni damýyna yqpal etýshi retinde qarastyramyz. Biz qaýipsiz jáne gúldengen óńirge qol jetkizý jolynda jiyrma birinshi ǵasyrdaǵy ortaq máselelerimizdiń birlesken sheshimderin izdestirý jáne BUU Jarǵysyna sáikes daýlardy beibit jolmen sheshýge umtylý úshin uiymymyzdyń bir bóligi retinde ujymdyq jumysymyzdy nyǵaitamyz;
4. Bizdiń uiym nátijelerge baǵyttalǵan jáne bizdiń óńirde konsensýsqa negizdelgen kópjaqty yntymaqtastyqty nyǵaitý maqsatynda barlyq múshe memleketter úshin múddeli salalarda, sol maqsattar men qaǵidattardy bólisetin basqa memlekettermen, uiymdarmen jáne forýmdarmen ózara is-qimyl jasaidy jáne yntymaqtasady;
5. Transformatsiia protsesiniń alǵashqy qadamy retinde mynadai sheshimderdi qabyldadyq:
(1) memleket nemese úkimet basshylarynyń kezdesýi (Sammit) jáne Syrtqy ister ministrleriniń kezdesýi (ministrler kezdesýi) budan bylai tiisinshe memleket nemese úkimet basshylarynyń keńesi (Sammit) jáne syrtqy ister ministrleriniń Keńesi (Ministrler Keńesi) dep atalady;
(2) AÓSShK Hatshylyǵynyń Atqarýshy direktory budan bylai Bas hatshy dep atalady;
(3) Hatshylyq múshe memleketterge tóraǵalyq arqyly tiisti basqarýshy organdardyń bekitilýine AÓSShK-niń tiisti qujattaryna túzetýler boiynsha usynystar engizedi;
6. Múshe memleketter transformatsiialyq protsestiń elementterin (qashan jáne eger bul oryndy bolǵan jaǵdaida), onyń ishinde múshelik kriteriilerin anyqtaidy. Osy baǵytta naqty ilgeriletýdi qamtamasyz etý maqsatynda biz Bas hatshynyń qoldaýymen Tóraǵalyq etýdi jáne múshe memlekettermen tyǵyz úilestire otyryp, 2023 jyly múshe memleketterdiń qaraýy úshin transformatsiia protsesin iske asyrýdyń qajetti sharalarynyń jol kartasyn qalyptastyrý jóninde usynystardy ázirleýdi suraimyz;
7. Biz AÓSShK damýynyń 30 jylynda qol jetkizgen eleýli jetistikterimen quttyqtaimyz jáne Tóraǵalyqtan Ministrler keńesi men Memleket jáne úkimet basshylary keńesiniń kelesi kezdesýlerine transformatsiialyq protsestiń barysy týraly esep berýdi suraimyz.
