QR Úkimetiniń Qaýylysymen Ahmetjanov Ánýar Muratuly QR Tsifrlyq damý, innovatsiialar jáne aeroǵarysh ónerkásibi birinshi vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmetinen málim etti, dep habarlaidy "Ult aqparat".
Ánýar Ahmetjanov 1975 jyly Qaraǵandy qalasynda dúniege kelgen. 1996 jyly E.A. Bóketov atyndaǵy Qaraǵandy memlekettik ýniversitetin, 2000 jyly Djons Hopkins ýniversitetin bitirgen.
Eńbek jolyn 1996 jyly E.A. Bóketov atyndaǵy Qaraǵandy memlekettik ýniversitetiniń ekonomika jáne syrtqy ekonomikalyq qyzmet kafedrasynyń oqytýshysy bolyp bastaǵan.
Ár jyldary «Qazaqoil» UMK» JAQ, «QazMunaiTeńiz» TMK JAQ, «Samuryq» memlekettik aktivterdi basqarý jónindegi qazaqstandyq holdingi» AQ, «QazMunaiGaz» UK AQ, «Qazgermunai» BK JShS jumys istedi.
2012-2016 jj. Qaraǵandy oblysy ákiminiń orynbasary qyzmetin atqardy.
2016 jyly QR Prezident Ákimshiliginiń memlekettik baqylaý jáne óńirlik uiymdastyrý jumysy bóliminiń memlekettik inspektory boldy.
2016-2019 jj. — QR Qorǵanys jáne aeroǵarysh ónerkásibi ministrliginiń jaýapty hatshysy.
2019 j. — QR Tsifrlyq damý, qorǵanys jáne aeroǵarysh ónerkásibi ministrliginiń jaýapty hatshysy.
2019 jyldyń tamyz aiynan bastap qazirge deiin QR Tsifrlyq damý, innovatsiialar jáne aeroǵarysh ónerkásibi ministrliginiń jaýapty hatshysy qyzmetin atqardy.
