Búginde dárihanalarda meditsinalyq maskamen birge eń úlken suranysqa ie ónim - antiseptik bolyp otyr. Zor suranys tapshylyqty týǵyzatyndyqtan dárihananyń kóbinen ony taba almaýyńyz múmkin. Osy rette antiseptikti qoldan jasap alýdyń amalyn usynamyz.
Dúniejúzilik densaýlyq saqtaý uiymy óziniń resmi saitynda antiseptikterdiń retseptin jariia etti. Ony qoldan op-ońai jasap alýǵa bolady. Ol úshin sizge meditsinalyq spirt, úsh paiyzdyq sýtegi asqyn toǵy (shamamen shai qasyǵyndai), glitserin (shai qasyǵynyń jartysyndai) men qainatylǵan sý (10-12 ml) kerek.
Antiseptikti daiyndaý úshin spirtti úlkendeý ydysqa quiasyz. Menzýrka nemese shpritstiń kómegimen oǵan sýtegi asqyn toǵyn qosasyz. Osydan keiin osy qospaǵa glitserindi aralastyrasyz. Menzýrkany paidalanbas buryn ony ystyq sýmen bir shaiyp alý kerek.
Osy qospany artynsha qainatylǵan sýǵa aralastyrasyz. Talǵamyńyzǵa qarai azdap boiaǵysh nemese aromatizator qosyp qoiýǵa da bolady. Spirt ushyp ketpes úshin eritindiniń betin jaýyp qoiý kerek. Osydan keiin osy qospany abailap flakonǵa quiyp alasyz.
Daiyn antiseptikti beti jabyq ydysqa quiyp qoiyp, 72 saǵatqa qaldyrý kerek. Úsh táýliktiń ishinde spirttegi nemese flakondaǵy mikroaǵzalardyń kózi joiylady.
