بٷگٸندە دەرٸحانالاردا مەديتسينالىق ماسكامەن بٸرگە ەڭ ٷلكەن سۇرانىسقا يە ٶنٸم - انتيسەپتيك بولىپ وتىر. زور سۇرانىس تاپشىلىقتى تۋعىزاتىندىقتان دەرٸحانانىڭ كٶبٸنەن ونى تابا الماۋىڭىز مٷمكٸن. وسى رەتتە انتيسەپتيكتٸ قولدان جاساپ الۋدىڭ امالىن ۇسىنامىز.
دٷنيەجٷزٸلٸك دەنساۋلىق ساقتاۋ ۇيىمى ٶزٸنٸڭ رەسمي سايتىندا انتيسەپتيكتەردٸڭ رەتسەپتٸن جارييا ەتتٸ. ونى قولدان وپ-وڭاي جاساپ الۋعا بولادى. ول ٷشٸن سٸزگە مەديتسينالىق سپيرت, ٷش پايىزدىق سۋتەگٸ اسقىن توعى (شامامەن شاي قاسىعىنداي), گليتسەرين (شاي قاسىعىنىڭ جارتىسىنداي) مەن قايناتىلعان سۋ (10-12 مل) كەرەك.
انتيسەپتيكتٸ دايىنداۋ ٷشٸن سپيرتتٸ ٷلكەندەۋ ىدىسقا قۇياسىز. مەنزۋركا نەمەسە شپريتستٸڭ كٶمەگٸمەن وعان سۋتەگٸ اسقىن توعىن قوساسىز. وسىدان كەيٸن وسى قوسپاعا گليتسەريندٸ ارالاستىراسىز. مەنزۋركانى پايدالانباس بۇرىن ونى ىستىق سۋمەن بٸر شايىپ الۋ كەرەك.
وسى قوسپانى ارتىنشا قايناتىلعان سۋعا ارالاستىراسىز. تالعامىڭىزعا قاراي ازداپ بوياعىش نەمەسە اروماتيزاتور قوسىپ قويۋعا دا بولادى. سپيرت ۇشىپ كەتپەس ٷشٸن ەرٸتٸندٸنٸڭ بەتٸن جاۋىپ قويۋ كەرەك. وسىدان كەيٸن وسى قوسپانى ابايلاپ فلاكونعا قۇيىپ الاسىز.
دايىن انتيسەپتيكتٸ بەتٸ جابىق ىدىسقا قۇيىپ قويىپ, 72 ساعاتقا قالدىرۋ كەرەك. ٷش تەۋلٸكتٸڭ ٸشٸندە سپيرتتەگٸ نەمەسە فلاكونداعى ميكرواعزالاردىڭ كٶزٸ جويىلادى.
