Sybailas jemqorlyqqa qarsy qyzmet Nurbol Kárimovty taǵy ustady. Osy joly antikordyń jalǵan qyzmetkeri Kaspii teńiziniń jaǵalaýynan jer telimin berýdi talap etken, dep habarlaidy Sputnik Qazaqstan.
Resmi málimetke sáikes, 19 mamyrda Aqtaý qalasy ákimdiginiń laýazymdy tulǵalarynan óz atyna jer ýchaskesin resimdeýdi talap etken Nurbol Kárimovtyń zańsyz áreketin áshkereledi.
25 jastaǵy er adam ol jerde kommertsiialyq nysandary ornalastyramyn degen.
"Kárimovtyń zańsyz áreketteri der kezinde toqtatyldy. Sol kúni ustalǵan kúdikti Aqtaý qalalyq politsiia departamentiniń ýaqytsha ustaý abaqtysyna qamaldy. Qolda bar málimetterge sáikes, Kárimov buryn da osyndai qylmystar jasaǵan bolýy múmkin", - deidi sybailas jemqorlyqqa qarsy qyzmet mamandary.
Kárimovtyń zańsyz áreketteri boiynsha 1424, +7-778-783-93-01 telefondaryna habarlasýǵa bolady.
Aita keteri, byltyr Nurbol Kárimov jalǵan qujattardy jasaǵany úshin jaýapqa tartylǵan bolatyn. Sol kezde sybailas jemqorlyqqa qarsy qyzmetkerdiń kýáligin qoldan jasap aldy.
Áleýmettik jelide tikelei efirge shyǵyp, politsiiany qalai qaitarǵanyn da kórsetti.
Eskertý: Videoda beiádep sózder bar
Byltyr Shymkent qalasynyń turǵyny Qylmystyq kodekstiń 385-baby, 3-bóligi (Kórineý jalǵan qujatty paidalaný) boiynsha jaýapqa tartylǵan. Osy bapta 160 ailyq eseptik kórsetkishke (490 080 teńge) deiingi mólsherde aiyppul ne sol mólsherde túzeý jumystary nemese 160 saǵatqa deiingi merzimge qoǵamdyq jumystarǵa tartýǵa ne 40 táýlikke deiingi merzimge qamaqqa alýǵa jazasy qarastyrylǵan.
Al 2016 jyly politsiia jol erejesin buzǵany úshin toqtatqanda Nurbol Kárimov ózin Timýr Qulybaevtyń týysy dep tanystyrǵan. Biraq tártip saqshylary onyń kim ekenin anyqtady.
