Alaiaqtar azamattardy messendjerler (WhatsApp, Telegram jáne t.b.) arqyly jalǵan akkaýnttar quryp, Qazaqstan Respýblikasy Sybailas jemqorlyqqa qarsy is-qimyl agenttiginiń qyzmetkerleri men basshylyǵynyń atynan qońyraýlar jasaidy, sondai-aq jalǵan aqparat jiberetin adamdar tobynyń alaiaqtyq áreketteri týraly eskertti. Bul týraly vedomstvonyń baspasóz qyzmeti habarlady.
Sybailas jemqorlyqqa qarsy qyzmet jalǵan aqparattarǵa senbeýge, kúmándi siltemelerge ótpeýge, sondai-aq qarajat aýdarmaýǵa shaqyryp otyr.
"Osyndai jaǵdailarǵa kezdesken kezde, quqyq qorǵaý organdaryna dereý habarlaýdy suraimyz. Eger Siz jemqorlyq faktilerine tap bolsańyz, @antikorkz_bot Telegram-boty nemese 1424 nómiri arqyly shuǵyl habarlańyz", - deidi Antikor ókilderi.
Vedomstvodaǵylar Jelide sondai qońyraý shalǵan alaiaqtar týraly video da jariialaǵan. Onda alaiaq Antikor ókilimin dep tanysyp, aldaǵysy kelgenin tyńdaýǵa bolady.
