الاياقتار ازاماتتاردى مەسسەندجەرلەر (WhatsApp, Telegram جەنە ت.ب.) ارقىلى جالعان اككاۋنتتار قۇرىپ, قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنٸڭ قىزمەتكەرلەرٸ مەن باسشىلىعىنىڭ اتىنان قوڭىراۋلار جاسايدى, سونداي-اق جالعان اقپارات جٸبەرەتٸن ادامدار توبىنىڭ الاياقتىق ەرەكەتتەرٸ تۋرالى ەسكەرتتٸ. بۇل تۋرالى ۆەدومستۆونىڭ باسپاسٶز قىزمەتٸ حابارلادى.
سىبايلاس جەمقورلىققا قارسى قىزمەت جالعان اقپاراتتارعا سەنبەۋگە, كٷمەندٸ سٸلتەمەلەرگە ٶتپەۋگە, سونداي-اق قاراجات اۋدارماۋعا شاقىرىپ وتىر.
"وسىنداي جاعدايلارعا كەزدەسكەن كەزدە, قۇقىق قورعاۋ ورگاندارىنا دەرەۋ حابارلاۋدى سۇرايمىز. ەگەر سٸز جەمقورلىق فاكتٸلەرٸنە تاپ بولساڭىز, @antikorkz_bot Telegram-بوتى نەمەسە 1424 نٶمٸرٸ ارقىلى شۇعىل حابارلاڭىز", - دەيدٸ انتيكور ٶكٸلدەرٸ.
ۆەدومستۆوداعىلار جەلٸدە سونداي قوڭىراۋ شالعان الاياقتار تۋرالى ۆيدەو دا جارييالاعان. وندا الاياق انتيكور ٶكٸلٸمٸن دەپ تانىسىپ, الداعىسى كەلگەنٸن تىڭداۋعا بولادى.
