Foto: Almaty ákimdigi
Sybailas jemqorlyqqa qarsy is-qimyl agenttigi densaýlyq saqtaý salasyndaǵy jemqorlyq táýekelderine syrtqy taldaýdy bastady, dep habarlaidy "Ult aqparat" Antikor baspasóz qyzmetine silteme jasap.
"Taldaý sheńberinde meditsinalyq buiymdardy satyp alý, aýrýhanalar men emhanalardy salý jáne jóndeý, sondai-aq meditsinalyq mekemeler qyzmetkerleriniń eńbegine aqy tóleý qory jáne «SQ-Farmatsiia» JShS qyzmeti máseleleri zerdelenetin bolady.
Taldaý Agenttiktiń, Densaýlyq saqtaý ministrliginiń, múddeli memlekettik organdardyń qyzmetkerlerimen jáne azamattyq qoǵam ókilderimen júrgiziledi", - delingen habarlamada.
Sondai-aq Sybailas jemqorlyqqa qarsy qyzmet azamattardy taldaýǵa qatysýǵa shaqyrdy.
"Eger Sizde sybailas jemqorlyq táýekelderi týraly aqparat bolsa nemese densaýlyq saqtaý salasyn jetildirý boiynsha usynystar bolsa, olardy elektrondyq poshtaǵa jiberýińizge bolady: abdrakhmanov.n@antikor.gov.kz", - delingen habarlamada.
