«Antikor ortalygy» servistik ortalyǵy – Sybailas jemqorlyqqa qarsy is-qimyl agenttigi qyzmetiniń ashyqtyǵy men aiqyndyǵynyń kórsetkishi. Bul týraly QR Sybailas jemqorlyqqa qarsy is-qimyl agenttigi Seriktestik departamenti direktorynyń orynbasary Perizat Sádýaqas aitty, dep habarlaidy QazAqparat.
«Sybailas jemqorlyqqa qarsy vedomstvo ózara is-qimyl men yntymaqtastyq úshin qolaily alańdar jasai otyryp, óz jumysyna azamattyq qatysýdy keńeitedi. Onyń biri – elimizdiń barlyq óńirinde jumys isteitin «Antikor ortalygy» servistik ortalyqtary boldy», - dedi Perizat Sádýaqas agenttiktiń Facebook alańynda ótken brifing barysynda.
Onyń aitýynsha, ortalyqtar ashylǵan sátten bastap 3 000-nan astam túrli is-sharalar, kezdesýler, tusaýkeserler, brifingter jáne basqa da is-sharalar ótkizildi. Olardyń aiasynda myńdaǵan qazaqstandyq óz problemalaryn aityp, mamandardyń jaýaptaryn aldy.
«Agenttik jumystyń zamanaýi tehnologiialyq formattaryn azamattardy qabyldaý sekildi dástúrli formatpen sátti úilestirgen. Olar kúrdeli jáne erekshe jaǵdailardyń mánin tereńirek túsinýge, durys sheshim qabyldaýǵa múmkindik beredi. Aýmaqtyq departamentterdiń birinshi basshylary ótken jyly «Antikor ortalygy»-da 600-den astam azamatty qabyldady. Osy maqsatta agenttiktiń saitynda «suraq-jaýap» arnaiy servisi jumys isteidi, onda árbir suraý óńdelip, tiisti deńgeide den qoiylady. Keri bailanystyń taǵy bir pármendi tetigi – «Ashyq dialog» elektrondyq úkimet portaly. Osy platformada agenttik ai saiyn internet-konferentsiia ótkizedi», - dedi ol.
Sonymen qatar ol Sybailas jemqorlyqqa qarsy kúreske jurtshylyq ókilderi men sarapshylardy tartý jónindegi mindetti tabysty sheshetin «Adaldyq alańy», «Protecting Business and Investments», «Adal komek», «Ashyq biýdjet» sybailas jemqorlyqqa qarsy is-qimyl jobalarynyń jáne arnaiy monitoring toptary men aqparattyq-aǵartý shtabtarynyń jumysyn erekshe atap ótti.
