Qytailyq investorlar Shymkenttegi quqyq qorǵaý organdarynyń áreketine narazy Qytailyq investorlar Shymkenttegi quqyq qorǵaý organdarynyń áreketine narazy Tanymal depýtat plastikalyq operatsiiadan keiin kóz jumdy Tanymal depýtat plastikalyq operatsiiadan keiin kóz jumdy
Qylmys

Antikor ókili atyshýly isterdi tergeý barysy týraly aitty

Ult portaly
Antikor ókili atyshýly isterdi tergeý barysy týraly aitty


Sybailas jemqorlyqqa qarsy is-qimyl agenttigi tóraǵasynyń orynbasary Ulan Sarqulov Qazaqstandaǵy atyshýly qylmystyq isterdi tergeý barysy týraly pikir bildirdi, - dep habarlaidy Tengrinews.kz.

Sarqulov búginde vedomstvo birqatar atyshýly qylmystyq isti, atap aitqanda, Qairat Satybaldyuly men onyń burynǵy jubaiy Gúlmira Satybaldyǵa qatysty isti qarap jatqanyn atap ótti.

"Kólikke qyzmet kórsetý ortalyǵyna qatysty bólek epizodtar bar, onyń ishinde "Qazaqtelekom" AQ "ÓKM Operatory" JShS-ge jeke qylmystyq is qozǵaldy. Bul ýtilalym boiynsha. Tergeý amaldary jalǵasyp jatyr. Kerek saraptamalar taǵaiyndaldy. Tolyqqandy tergeý amaldary júrgizilip jatyr. Aita ketetin jait, keshe ǵana Nur-Sultan qalalyq tergeý soty Qairat Satybaldyulyna qatysty qamaýda ustaý merzimin 13 maýsymǵa deiin uzartty", - dedi ol.

Antikor basshysynyń orynbasary QIJK baby boiynsha, tergeý múddesine sáikes jariia etýge jatpaityn aqparat baryn eske saldy.

"Túsinikpen qaraýlaryńyzdy ótinemin. Másele - keibir epizodtardy jasyrý nemese keibir derekterdi alyp tastaý emes, aldaǵy tergeý áreketterine ziian tigizbeý, dáleldemelerdi tolyq jinaý jáne biriktirý. Ekinshi másele - azamattardyń konstitýtsiialyq quqyǵy. Tergeý aiaqtalǵan joq. Protsestiń qatysýshylary retinde ártúrli azamattardan jaýap alynyp jatyr. Buny olardyń quqyǵyn buzbaý úshin aityp otyrmyz", - dep túsindirdi Ulan Sarqulov.

Qorytyndylai kele, vedomstvo Qylmystyq is júrgizý zańnamasynyń normalaryn eskere otyryp, basqa da aqparatty jariia etkeni úshin zań aldynda jaýap beretinin eske saldy.

Oqi otyryńyz