Foto: Pexels.com
Sybailas jemqorlyqqa qarsy qyzmet Týrizm jáne sport ministrligimen birlesip sportty qarjylandyrý salasyndaǵy jemqorlyq táýekelderine syrtqy taldaý júrgizdi. Onyń nátijesi shyqty, dep habarlaidy Ult.kz.
Vedomstvo málimetinshe, nátijeler otandyq sporttyń damýyna jáne álemdik sport arenasynda joǵary kórsetkishterge qol jetkizýge kedergi keltiretin júieli jemqorlyq táýekelderiniń bar ekenin aiǵaqtap otyr.
"Tek sońǵy 6 jylda sport salasyn qarjylandyrý shamamen 1,4 trillion teńgeni qurady (2018 j. – 165 mlrd teńge, 2019 j. – 204 mlrd teńge, 2020 j. – 177 mlrd teńge, 2021 j. – 223 mlrd teńge, 2022 j. – 296 mlrd teńge, 2023 j. – 340 mlrd teńge). Biýdjetten aǵymdaǵy jáne aldaǵy eki jylǵa taǵy 1,3 trillion teńge bólý josparlanǵan.
Qazaqstandyq sportqa joǵary jetistikterdiń aqshalai «quiylý» kólemi osy maqsattarǵa bólinetin Ortalyq Aziia jáne alys shet elderdiń (Kanada, Norvegiia, Niderlandy) biýdjetterinen birneshe ese artyq. Sonymen qatar, Qazaqstan Olimpiada oiyndary boiynsha medaldyq esepte (2020 j. – 83 oryn (8 – qola), 2022 j. – 0 medal, 2024 j. – 43 oryn (1 – altyn, 3 – kúmis, 3 – qola) jáne Dúniejúzilik sport reitinginde (2014 j. – 25 oryn,2018 j. – 47 oryn, 2023 j. - 42 oryn) tómengi oryndarda", - delingen habarda.
Sebepterdiń biri retinde memlekettik qarajatty utymsyz jumsaýǵa jáne jymqyrýǵa yqpal etetin júieli jemqorlyq táýekelderi negiz bolyp otyrǵany aitylady.
Vedomstvo ókilderi qarjylandyrýda teńgerimsizdikti synaǵan. Otandyq sportty damytýdyń qoldanystaǵy saiasaty otandyq sportshylardy tiimdi daiarlaýǵa baǵyttalmaǵan.
"Sheteldik oiynshylardy natýralizatsiialaý arqyly qol jetkizilgen qysqa merzimdi jetistikterge nazar aýdarylady, al jeke sporttyq kadrlardy damytý boiynsha júieli jumys jetkiliksiz bolyp otyr. Táýelsizdik jyldary Qazaqstan olimpiadalyq sport túrlerine 126 sheteldikti satyp aldy, olardyń árqaisysy keiinnen óz eline oraldy. Kóbinese óz talanttaryn tárbieleýdiń ornyna aqsha basqa elderdiń oiynshylaryna jumsalady. Bul sportty qarjylandyrýdaǵy aiqyn teńgerimsizdikpen rastalady", - deidi vedomstvo ókilderi.
Máselen, Qazaqstannyń buqaralyq sportqa jumsaǵan shyǵystary joǵary jetistikter sportyna qaraǵanda 9 ese az (35 mlrd teńgege qarsy 340 mlrd teńge).
Sportta neǵurlym tabysty shet elderde joǵary jetistikter sportynyń negizi bolyp tabylatyn buqaralyq sportty qoldaýǵa basymdyq beriledi.
Mysaly, halqy az Niderlandyda (17,8 million) buqaralyq sportqa jumsalatyn shyǵyndar kásibi sportqa (246 million dollar) qaraǵanda 2 ese kóp (497 million dollar). Sonymen qatar, bul eldiń sportshylary Olimpiada oiyndarynda joǵary nátije kórsetip jatyr.
Niderlandymen salystyrǵanda Qazaqstan joǵary jetistikter sportyna 3 ese kóp, al buqaralyq sportqa 7 ese az jumsaidy.
Formaldyq kórsetkishter. Qazaqstan Respýblikasynyń dene shynyqtyrý men sportty damytýdyń 2023 – 2029 jyldarǵa arnalǵan tujyrymdamasyna engizilgen buqaralyq sport túrlerin damytý kórsetkishteri formaldy sipatqa ie.
Mysaly ákimdikter jyl saiyn 20 myńnan astam sporttyq-buqaralyq is-shara, kúnine orta eseppen 3 is-shara ótkizýi tiis.
Sporttyq ǵimarattar men nysandarda, sondai-aq ashyq jerlerde ótkiziletin is-sharalar osy is-sharalarda eki júz jáne odan da kóp kórermenniń bir mezgilde bolýyn boljaitynyn eskere otyryp, kórsetkish anyq kóterilgen ("Dene shynyqtyrý týraly" Zańnyń 1-babynyń 40-1-tarmaǵy).
Bulyńǵyr basymdyqtar. Joǵary jetistikter sportynda basym sport túrleriniń bolmaýyna bailanysty tanymal emes jáne nátijesiz sport túrleri qarjylandyrylady.
2023 jyly sporttyń 31 túrinen birde-bir medal joq. 2024 jyly qarjylandyrylatyn baǵyttardyń sany 141 túrge deiin ósti.
Máselen, jazǵy olimpiadalyq sport túrleri boiynsha Qazaqstan 44 túrdi, qysqy sport túrleri boiynsha – 13 túrdi damytady. Joǵary jetistikter sportynyń qarjylandyrylatyn baǵyttarynyń shamamen 60%-y Olimpiadalyq emes baǵyttarǵa jatady - 84 (141-den). Jyl saiyn bul túrlerdi damytýǵa – 18 mlrd teńge jumsalady (2023 jyly olimpiadalyq túrlerge – 296 mlrd teńge, olimpiadalyq emes túrlerge - 18, ózge shyǵystarǵa - 11 mlrd teńge).Shetelde sporttyń «núktelik» baǵyttaryna basymdyq beriledi (Ulybritaniiada jazǵy Olimpiada oiyndarynyń 19 túri, Germaniiada – 18, Aýstraliiada – 12).
Qazirgi zamanǵy sport nysandarynyń jetispeýshiligi sportshylardy sapaly daiarlaý múmkindigin shekteidi, deidi Antikor ókilderi. Bul ásirese sporttyq nysandar jii qol jetimdi emes nemese qanaǵattanarlyqsyz jaǵdaida bolatyn aimaqtarda baiqalady eken.
Sonymen qatar Qazaqstan Respýblikasynyń dene shynyqtyrý men sportty damytýdyń 2023 – 2029 jyldarǵa arnalǵan tujyrymdamasy kádimgi jaiaý júrginshiler joldary men velosiped joldarynyń tapshylyǵyna baǵyttalǵan.
Al elimiz boiynsha 374,2 myń m2 jabyq sport ǵimarattarynyń, 376,4 myń m2 basseinderdiń tapshylyǵy baiqalady (Almaty, Astana, Túrkistan jáne Almaty oblystaryndaǵy eń úlken tapshylyq).
Sport keshenderi men fýtbol akademiialaryn salýdyń ornyna sporttyq uiymdar legionerlerdi ustaýǵa kóp aqsha jumsaǵan.
Mysaly eń qymbat "Astana" FK (2018-2023 jyldary 50 mlrd teńge, quryltaishysy – Sport jáne dene shynyqtyrý isteri komitetiniń "Qazsportinvest" AQ "Týrizm jáne sport indýstriiasyn qoldaý qory" korporativtik qory jáne UOK) óziniń fýtbol akademiiasy men infraqurylymyna ie emes.
6 jyl ishinde (2018-2023 jj.) klýb fýtbol alańdary men úi-jailardy jalǵa alýǵa 1,4 mlrd teńge jumsady.
Halyqaralyq jarystarǵa qatysý úshin sportshylardy ashyq irikteýdiń bolmaýy. Joǵary jetistikter sport salasynda protsesterdi tsifrlandyrý múldem joq. 2020 jyly E-sport ulttyq tsifrlyq platformasyn engizýge josparlanǵan ázirleý júrgizilgen joq.
Nátijesinde beiindi ministrlik qazaqstandyq sporttyń jai-kúii týraly tolyq derekterdi bilmeidi, júldegerlerdiń, sport ǵimarattarynyń, sport sektsiialary men jattyqtyrýshylardyń biryńǵai esebin júrgizbeidi.
Tsifrlandyrýdyń bolmaýy jalǵan sportshylarǵa sporttyq ataqtar berýge, jarystarǵa qatysý úshin sportshylardy ashyq emes jáne sýbektivti irikteýge yqpal etedi.
Atalǵan faktorlardyń saldarynan mundai jaǵdai úlestes jetkizýshilerdi irikteýmen, oqý-jattyǵý jiyndary men sport obektilerin jalǵa alýdyń jalǵandyǵymen, legionerlerge eńbekaqyny asyra baǵalaýmen, qosarlanǵan qarjylandyrýmen ushtasqan biýdjet qarajatynyń baqylaýsyz igerilýine alyp keldi.
"Taldaý qorytyndysy boiynsha sportty damytý basymdyqtaryn qaita qaraý, buqaralyq jáne balalar sportyna biýdjetti ulǵaitý, qarjylandyrýdy ortalyqtandyrý, óz infraqurylymyn jáne balalar akademiialaryn damytý, sondai-aq tsifrlandyrýdy engizý boiynsha usynymdar engizildi", - deidi Antikor ókilderi.
