© Photo: Ortalyq kommýnikatsiialar qyzmeti
Sybailas jemqorlyqqa qarsy is-qimyl agenttigi burynǵy Ádilet ministri Marat Beketaevtyń ustalǵanyn rastady, dep habarlaidy "Ult aqparat" vedomstvonyń baspasóz qyzmetine silteme jasap.
"Antikorrýptsiialyq qyzmet Memleket basshysynyń zańsyz shyǵarylǵan aktivterdi izdeý jáne qaitarý jónindegi tapsyrmasyn oryndaý sheńberinde eks-ádilet ministrin laýazymdyq ókilettikterin asyra paidalandy degen kúdik boiynsha ustady.
Ol talap etilmeitin qyzmetterdi kórsetýge jyl saiynǵy kelisimsharttar jasaý arqyly úlestes kompaniianyń múddelerin qoldady. Bul áreket memleketke úlken ziian keltirdi" - delingen habarlamada.
Agenttik málimetinshe, aktivterdi qaitarý boiynsha jumys jalǵasyp jatyr.
Sondai-aq, Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
