Foto: Akorda.kz
Memleket basshysy Cybailas jemqorlyqqa qarsy is-qimyl agenttiginiń tóraǵasy Ashat Jumaǵalidy qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Prezidentke Sybailas jemqorlyqqa qarsy qyzmettiń biylǵy 10 aida atqarǵan jumysynyń nátijeleri jóninde baiandaldy.
Osy ýaqyt ishinde elimizde jemqorlyqqa qatysty 1500-ge jýyq qylmys tirkelip, 1100-den astam adamnyń isi áshkerelendi. Onyń 158-i – túrli deńgeidegi basshylar.
Sotqa myńnan astam is joldanyp, 282 milliard teńge shyǵyn óteldi.
Sonymen qatar Agenttik tóraǵasy 2022 jyldan beri biýdjetke jáne kvazimemlekettik sektor sýbektilerine quny shamamen 857 milliard teńge bolatyn múlik aktivteri men qarjy qaitarylǵanyn aitty.
Prezidentke birqatar qylmystyq isti tergeý amaldarynyń barysy jóninde málimet berildi.
Budan bólek, Ashat Jumaǵali Memleket basshysyna jemqorlyqtyń aldyn alý jumystary týraly esep berdi.
Sybailas jemqorlyq táýekelderi kartasyn júzege asyrý aiasynda tapsyrylý merzimi keshiktirilgen, qarjy jymqyrý qaýpi bar áleýmettik nysandar qurylysyna monitoring júrgizilip jatyr. Agenttik elimizdiń barlyq óńiri boiynsha jalpy biýdjeti 2,44 trillion teńgeni quraityn osyndai 156 nysan bar ekenin anyqtaǵan.
Azamattyq qoǵammen ózara tyǵyz qarym-qatynas ornatý arqyly «Sybailas jemqorlyqqa qarsy volonterlik» jobasy iske asyrylýda. Qazirgi ýaqytta jemqorlyqtyń beleń alýyna bei-jai qaramaityn 2 myńnan astam azamat bul bastamaǵa atsalysyp jatyr.
Kezdesý sońynda Qasym-Jomart Toqaev jemqorlyqqa qarsy is-qimyldy jáne aldyn alý sharalaryn kúsheitýge baǵyttalǵan júieli jumysty jalǵastyrý jóninde birqatar naqty tapsyrma berdi.
