Qazaqstan Respýblikasynyń Sybailas jemqorlyqqa qarsy is-qimyl agenttigi «Astana Banki» AQ-nyń burynǵy iri aktsioneri Oljas Toqtarov pen basqa tulǵalarǵa qatysty bank aktivterin zańsyz ielikten shyǵarý arqyly asa iri kólemde qarajat jymqyrý isin tergep jatyr. Atap aitqanda, jalǵan agenttik qyzmet kórsetý jáne baqylaýyndaǵy «SKK Tennasy Group» JShS paidasyna Almaty qalasyndaǵy Qobdolov kóshesi, 22 «B» mekenjaiyndaǵy biznes-ortalyq ǵimaratynyń zańsyz satylyp alynýy tekserilýde, dep habarlaidy "Ult aqparat".
Tergeý barysynda kúdikti O. Toqtarovtyń áreketteri QR Qylmystyq kodeksiniń 189-baby 4-bóligine sáikes baǵalandy. QR Qylmystyq-protsestik kodeksiniń 208-babyna sáikes kúdikti jaýap alýǵa shaqyrylýy tiis.
Alaida, Toqtarovtyń elden tys jerde bolýy jáne kelýden jaltarýyna bailanysty Sybailas jemqorlyqqa qarsy qyzmet ony BAQ arqyly shaqyrý týraly jariialady.
O. Toqtarov 2024 jyldyń 26 qyrkúieginde saǵat 11:00-de Astana qalasyndaǵy Qabanbai batyr dańǵyly, 19 mekenjaiynda ornalasqan Sybailas jemqorlyqqa qarsy agenttik ǵimaratyna kelýi tiis.
Kúdikti qorǵaýshyny ózi shaqyra alady nemese organnyń qorǵaýshyny qamtamasyz etýin suraýǵa quqyly. Eger qorǵaýshy shaqyrylmasa, ony qylmystyq is júrgizýshi organ qamtamasyz etedi.
