قازاقستان رەسپۋبليكاسىنىڭ سىبايلاس جەمقورلىققا قارسى ٸس-قيمىل اگەنتتٸگٸ «استانا بانكٸ» اق-نىڭ بۇرىنعى ٸرٸ اكتسيونەرٸ ولجاس توقتاروۆ پەن باسقا تۇلعالارعا قاتىستى بانك اكتيۆتەرٸن زاڭسىز يەلٸكتەن شىعارۋ ارقىلى اسا ٸرٸ كٶلەمدە قاراجات جىمقىرۋ ٸسٸن تەرگەپ جاتىر. اتاپ ايتقاندا, جالعان اگەنتتٸك قىزمەت كٶرسەتۋ جەنە باقىلاۋىنداعى «SKK Tennasy Group» جشس پايداسىنا الماتى قالاسىنداعى قوبدولوۆ كٶشەسٸ, 22 «ب» مەكەنجايىنداعى بيزنەس-ورتالىق عيماراتىنىڭ زاڭسىز ساتىلىپ الىنۋى تەكسەرٸلۋدە, دەپ حابارلايدى "ۇلت اقپارات".
تەرگەۋ بارىسىندا كٷدٸكتٸ و. توقتاروۆتىڭ ەرەكەتتەرٸ قر قىلمىستىق كودەكسٸنٸڭ 189-بابى 4-بٶلٸگٸنە سەيكەس باعالاندى. قر قىلمىستىق-پروتسەستٸك كودەكسٸنٸڭ 208-بابىنا سەيكەس كٷدٸكتٸ جاۋاپ الۋعا شاقىرىلۋى تيٸس.
الايدا, توقتاروۆتىڭ ەلدەن تىس جەردە بولۋى جەنە كەلۋدەن جالتارۋىنا بايلانىستى سىبايلاس جەمقورلىققا قارسى قىزمەت ونى باق ارقىلى شاقىرۋ تۋرالى جارييالادى.
و. توقتاروۆ 2024 جىلدىڭ 26 قىركٷيەگٸندە ساعات 11:00-دە استانا قالاسىنداعى قابانباي باتىر داڭعىلى, 19 مەكەنجايىندا ورنالاسقان سىبايلاس جەمقورلىققا قارسى اگەنتتٸك عيماراتىنا كەلۋٸ تيٸس.
كٷدٸكتٸ قورعاۋشىنى ٶزٸ شاقىرا الادى نەمەسە ورگاننىڭ قورعاۋشىنى قامتاماسىز ەتۋٸن سۇراۋعا قۇقىلى. ەگەر قورعاۋشى شاقىرىلماسا, ونى قىلمىستىق ٸس جٷرگٸزۋشٸ ورگان قامتاماسىز ەتەدٸ.
