Antibiotik qabyldaǵan soń kovidke qarsy vaktsina saldyrýǵa bolady. Bul týraly S. Asfendiiarov atyndaǵy Qazaq ulttyq meditsina ýniversitetiniń juqpaly jáne tropikalyq aýrýlar kafedrasynyń professory Kúlásh Qurmanova aitty, dep habarlaidy QazAqparat.
Ǵalymnyń aitýynsha, antibiotikti qabyldaǵan soń onyń aǵzada saqtalý merzimine qarai vaktsina saldyrǵan durys.
«Mysaly, keibir antibiotikter 12 saǵatta deneden zár, termen birge shyǵyp ketedi. Al kei antibiotikter denede jeti kúnge deiin saqtalady. Sondyqtan antibiotikti qabyldaǵan soń negizi bir nemese 5 kún ótken soń vaktsina alǵan durys. Al antibiotikti tek dárigerdiń nusqaýymen ǵana qabyldaý kerek, óz betimen qabyldaǵan durys emes», - dedi Kúlásh Qurmanova.
Sondai-aq, professor kovidke qarsy vaktsina jaily óz oiyn aitty.
«Vaktsina - kovidten qutylýdyń joly. Eger adam vaktsina alyp, onyń aǵzasynda aýrýǵa qarsy antidene qalyptassa, onda adam kovidtiń kez kelgen shtamyn juqtyrsa da, aýrý jeńil túrde ótedi. Sondai-aq, adam ólimi jaǵdaiy azaiady. Sondyqtan vaktsina alý qajet. Oǵan Qazaqstanda tirkelgen jáne óndirilgen vaktsina jarai beredi», - dedi professor Kúlásh Qurmanova.
