انتيبيوتيك قابىلداعان سوڭ كوۆيدكە قارسى ۆاكتسينا سالدىرۋعا بولادى. بۇل تۋرالى س. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ جۇقپالى جەنە تروپيكالىق اۋرۋلار كافەدراسىنىڭ پروفەسسورى كٷلەش قۇرمانوۆا ايتتى, دەپ حابارلايدى قازاقپارات.
عالىمنىڭ ايتۋىنشا, انتيبيوتيكتٸ قابىلداعان سوڭ ونىڭ اعزادا ساقتالۋ مەرزٸمٸنە قاراي ۆاكتسينا سالدىرعان دۇرىس.
«مىسالى, كەيبٸر انتيبيوتيكتەر 12 ساعاتتا دەنەدەن زەر, تەرمەن بٸرگە شىعىپ كەتەدٸ. ال كەي انتيبيوتيكتەر دەنەدە جەتٸ كٷنگە دەيٸن ساقتالادى. سوندىقتان انتيبيوتيكتٸ قابىلداعان سوڭ نەگٸزٸ بٸر نەمەسە 5 كٷن ٶتكەن سوڭ ۆاكتسينا العان دۇرىس. ال انتيبيوتيكتٸ تەك دەرٸگەردٸڭ نۇسقاۋىمەن عانا قابىلداۋ كەرەك, ٶز بەتٸمەن قابىلداعان دۇرىس ەمەس», - دەدٸ كٷلەش قۇرمانوۆا.
سونداي-اق, پروفەسسور كوۆيدكە قارسى ۆاكتسينا جايلى ٶز ويىن ايتتى.
«ۆاكتسينا - كوۆيدتەن قۇتىلۋدىڭ جولى. ەگەر ادام ۆاكتسينا الىپ, ونىڭ اعزاسىندا اۋرۋعا قارسى انتيدەنە قالىپتاسسا, وندا ادام كوۆيدتٸڭ كەز كەلگەن شتامىن جۇقتىرسا دا, اۋرۋ جەڭٸل تٷردە ٶتەدٸ. سونداي-اق, ادام ٶلٸمٸ جاعدايى ازايادى. سوندىقتان ۆاكتسينا الۋ قاجەت. وعان قازاقستاندا تٸركەلگەن جەنە ٶندٸرٸلگەن ۆاكتسينا جاراي بەرەدٸ», - دەدٸ پروفەسسور كٷلەش قۇرمانوۆا.
